Sizwe Sibiya
Ngesonto eledlule uTyson Sybateli osanda kungena emculweni ukhiphe i-albhamu yonyaka, kodwa abantu abakhulumi lutho ngayo.
I-LP kaSybateli yokuqala ethi-if Found, Bring Home ibuyisa i-rap njengoba ikhishwe ngendlela yakudala exube nendlela yamanje yomculo opholile ofana nezingoma zikaPusha T, uKota The Friend kanye noJay Z.
I-albhamu ishaya ngamandla yanele ukubumba kabusha indawo ye-rap yaseNingizimu Afrika, kodwa ikhishwe ngaphandle kwabalandeli.
Ingoma ephambili kuhlu inegama elilodwa negama le-albhamu futhi bekumele kube iyona ingoma eshisa izikhotha njengoba iphinde yafaka nomculi we-hip hop ohamba phambili eMzansi u-A Reece kanye nomfowabo uJay Jody.
“Wonke umuntu uzama ukuveza lesi sithombe sokuthi siphumelele kodwa akunjalo. Iculo lonke elithi-If Found, Bring Home empeleni likhuluma ngalokho,” kusho lo mrepha engxoxweni abe nayo ne-ZkhiphaniTV ngoLwesine.
Ikhava ye-albhamu enoSybateli ehlezi phambi kwesitolo esivaliwe eveza ubuso bakhe bungabonakali kahle ibonisa ukungaziwa komrepha endaweni yomculo we-rap.
“Liyini ikhaya?abantu banezimpendulo ezahlukene ngalokho ezinye zijulile kakhulu. Sonke sichaza ikhaya ngendlela ehlukile futhi sonke siyazama ukuzithola sikulo. Impendulo isuke iqondene naloyo obuzayo futhi iyiqiniso kunoma ubani oyibuzayo,” kusho lo mrepha echaza ngale albhamu enezingoma ezingu-12.
Lalelani le albhamu.
.
