Philani Mzila
“Ngijabule ngokweqile. Ubulungiswa benziwe.”
Lawa ngamazwi ashiwo ngowayengumsakazi woKhozi FM uNgizwe Mchunu onikezwe ibheyili yemali eyizi-R2,000 eNkantolo yeMantshi yase-Randburg ngoLwesine.
Usolwa ngokugqugquzela udlame nokwephula imithetho yomvalelo ngesikhathi seziyaluyalu ze-#FreeZuma ezibekhona isikhathi esingaphezu kwesonto e-Gauteng naKwaZulu-Natali.
Usolwa ngokugqugquzela udlame ngesikhathi kunesithangami ehhotela lase-Bryanston ngomhla ziyi-11 kuNtulikazi, ngemuva kwezinsuku kuboshwe owayenguMengameli wezwe, uJacob Zuma, owaboshwa ngenxa yokudelela inkantolo.
UMchunu, ongumlandeli wokuqina kaZuma, uzinikele esiteshini samaphoyisa i-Durban Central ngeledlule ngemuva kokubalekela amaphoyisa isikhathi esingaphezu kwesonto.
UMchunu naye ubhekene necala lokwephula umthetho wokulawulwa kwezinhlekelele.
Ethula lesi sinqumo, iMantshi uGayle Pretorius uthe uyakholelwa ekutheni uMchunu unobudlelwano obuqinile nezwe.
“Akalona uhlobo lomuntu ongakwazi ukunyamalala nje. Kuyinhlanganisela yesibopho sakhe kumkakhe nasezinganeni zakhe eziyi-12 nokwethembeka kwakhe kuMnu uZuma,” kusho uPretorius.
UMchunu akavunyelwe ukukhuluma kunoma yimiphi imibuthano noma aphume esifundazweni sase-KZN ngaphandle uma eya eGoli lapho ezovela khona enkantolo ngomhla zingama-21 kuMfumfu.
Umthombo wesithombe: @Nqubeko_MC
.
