Lubhalwe nguRorisang Modiba
UMakhadzi uthi ubungani bakhe noMaster KG busaqinile ngisho nangemva kokuhlukana kwabo ngo-2020.
Lesi sihlabani siveza ukuthi uMaster KG wamthengela imoto ngemuva kokuhlukana kwabo.
Umculi owine izindondo uMakhadzi ukhulume ngobudlelwane bakhe obukhethekile nomdidiyeli womculo uMaster KG, obuqhubekile ngisho nangemva kokuphela kobudlelwano babo bezothando.
Engxoxweni ebisePolokwane, lesi sihlabani saseLimpopo sitshele iphephandaba. i-The Citizen ukuthi bazana kanjani ngaphambi kokuthi kufike udumo.
“Ngahlangana naye ngaphambi kokuba adume futhi acebe, sasizama ndawonye.
Yingakho ngizizwa sengathi ngimazi ukudlula wonke umuntu, futhi naye ungazi ngaphezu kwanoma ngubani,” kusho yena.
Oseke wawina ama-BET Award uchaze ukuthi kungani ebiza uMaster KG ngesithandwa sakhe somphefumulo.
“Uma ngithi isthandwa sami angisho ukuthi sindawonye noma asikho ndawonye, ukuthi nje uhlezi engivikela,” kusho yena.
Uveze ukuthi uMaster KG uba nomona uma ejola nabanye abantu ngoba ekhathazeka ngokuthi bangase bangamphathi kahle.
Ubungane babo buhlale buqinile kusukela bahlukana ngo-2020. UMaster KG waze wazama ukumnika imoto.
“Kunesikhathi la wangithengela imoto sesingasathandani, ngayibuyisela ngoba ngifuna ukuhlala nomunye umuntu kodwa manje usefuna ukungibuyisela yona,” kusho yena.
Manje uMakhadzi ulungiselela uhlelo lwakhe olukhulu. Uzocula yedwa e-Peter Mokaba Stadium ngomhlaka-21 kuZibandlela.
Isifiso sakhe silula: “Ngifuna ukugcwalisa inkundla.”
Esithombeni esingenhla: UMakhadzi noMaster KG.
Umthombo: Makhadzi/Instagram