Kamogelo Olaitan
UMasipala i-Nelson Mandela Bay (NBM) e-Eastern Cape uzichithile izinsolo zokuthi amazinga amadamu awo ehle kakhulu.
NgoMsombuluko ekuseni kuvele imibiko yokuthi idamu i-Impofu selifinyelele ku-0% okusho ukuthi amanzi awasekho.
UMasipala uwuchithile lo mbiko wathi izinga lamadamu selifinyelele ngaphezudlwana kuka-12.26% kodwa wanxusa izakhamuzi ukuthi ziwasebenzise ngokuwonga amanzi.
Lokhu kushiya kuphela iDamu i-Churchill ukuthi lihlinzeke izindawo ezinkulu zoMasipala base-Kouga kanye ne-Nelson Mandela Bay ngamanzi.
Ekhuluma nabezindaba uJoseph Tsatsire ongumqondisi obhekele ukwabiwa kwamanzi e-NBM uvumile ukuthi babhekene nenkinga kodwa wathi kukhona abangakwenza ukuze bangabhekani nayo.
Uthe amanzi asetshenziswa uMasipala angu-278 ngosuku, kanti angu-230 kuphela atholakala edamini i-Gariep.
“UMasipala uzoba nokuphazamiseka kwamanzi noma ukuhlinzekwa ngezikhathi ezithile ngoba izinsiza ezikhona zincane kunalezo ezisetshenziswayo. Lokhu kusho ukuthi uma abathengi behlisa ukusetshenziswa kwamandla afike ku-230 megalitres uMasipala uzogwema lokhu okubizwa nge-Day Zero endaweni,” kusho uTsatsire.
Ngezinkundla zokuxhumana ama-poster kanye nama-loudhailers uMasipala uhambe ucela izinkulungwane zezakhamizi ukuthi zisebenzise amanzi ngokuwonga.
UMasipala uthe ususungule izindawo zokuqoqa amanzi ezingu-16 eduze kukaMasipala omkhulu ukuze uhlinzeke izindawo ezingaphansi kuka-105.
Inhlangano esiza esimweni sezinhlekelele i-Gift of the Givers iveze ukuthi izothumela amathimba azomba imingonqozi ukuza umasipala enkingeni yamanzi.
.
