Dylan Bettencourt
USadio Mane wenze umlando njengoba kuthiwa ungomunye wabadlali bebhola abahamba phambili e-Senegal ngemuva kokuba ngumshayi magoli ohamba phambili ezweni.
Umgadli we-Liverpool ushayele i-Senegal amagoli amahle ngoMgqibelo ebusuku wadlula uHenri Camara waba ngumshayi magoli ohamba phambili e-Senegal.
Emdlalweni wabo ne-Benin, uMane ushaye amagoli amabili esiwombeni sokuqala ngaphambi kokushaya elokugcina elibe iphenathi.
I-Senegal iqede umdlalo wokuhlungela i-Africa Cup of Nations (Afcon) ngo-3-1.
UMane uqale izinga lomdlalo ngamagoli alingana nakaCamara kodwa ubedinga imizuzu engu-12 kuphela ngaphambi kokubhala igama lakhe emabhukwini omlando ngegoli elibe iphenathi.
Lo mdlali (30) useyintandokazi ngemuva kokushaya iphenathi ngesikhathi bedlala ne-Egypt okwenze iqembu lakhe lawina i-Afcon okokuqala ngqa.
Lo mdlali wasesiswini uphinde wakhombisa ikhono lakhe enkundleni ngendlela encomekayo bebhekene ne-Benin, ekleliswe endaweni ka-82 emhlabeni.
Ngaphambi komdlalo wokuhlungela uMane uthe ikusasa lakhe lizonqunywa ngabantu base-Senegal kanti abalandeli be-Liverpool bebebuka lo mdlalo bedangele njengoba imibiko ikhomba ukuthi uMane uzoshiya leli qembu uma sekuvulwe iwindi lokudayiselana ngabadlali.
Kodwa-ke, ugcizelele inhlonipho anayo kwi-Liverpool.
“Abalandeli be-Liverpool bangamukela kusukela ngosuku lokuqala. Mayelana nekusasa? Sizobona,” kusho uMane ngemuva komdlalo.
Usewine konke okumele akuwine ne-Liverpool kanti kuthiwa unentshisekelo yokubhekana nenselelo entsha eqenjini elihlukile.
Kukhalakala ukuthi uMane usezosayina kompetha base-Germany, i-Bayern Munich kodwa i-PSG imbanga naleli qembu.
Umthombo wesithombe: @ThisIsAnfield
.
