Lubhalwe nguDylan Bettencourt
UMaMkhize udalule umholo wabadlali bakhe enkantolo ukukhombisa ukuthi iqembu lakhe lisaxhaswa ngemali.
Uthi noma ingekho imali yesibonelelo seligi noma izinkinga zika-Sars emhlane wakhe, abadlali bakhe basahola.
UShauwn “MaMkhize” Mkhize usephumele obala ngama-payslip abadlali bakhe, kanti amanye awo akhombisa imali eningi.
Umphathi we-Royal AM udalule umholo wanyanga zonke weqembu lakhe emaphepheni asenkantolo, ezama ukukhombisa ukuthi iqembu lakhe alinalo iphutha ngemuva kokuxoshwa ku-Premier Soccer League.
Iligi ithi i-Royal AM iphuthelwe yimidlalo ngoba iphelelwe yimali. Kodwa uMaMkhize ulwa ngokuveza izitatimende zasebhange.
Ngokombiko we-Sunday World, unikeze amarekhodi akhombisa ukuthi abadlali bakhokhelwa ngomhlaka-14 kuNhlolanja ngemuva nje kwezinsuku lolu phiko lumise uxhaso luka-R2.3 million abakwa-SARS bathatha izinyathelo ngokungakhokhwa kwentela.
Uthi iqembu lisenayo imali, futhi umholo wabadlali ufakazela lokho.
Umdlali wasemuva uThabo Matlaba nguyena ohamba phambili, uhola u-R121 000 ngenyanga.
Umdlali wasesiswini uKabelo Mahlasela ulandele ngo-R93 500 kwathi uShadrack Kobedi uthola u-R80 000.
Ngakolunye uhlangothi, uMnguni uthola u-R2 000 kuphela, abanye abafana noSbanga Zulu (R6,900), uSmiso Gumede (R4,950), nonozinti u-Aphile Ngobese (R7,916) nabo bahola kancane.
UMaMkhize uthi umqaphi uJaco Venter, owalethwa yinkantolo ngesikweletu sika-R200 million sakwa-SARS, wenza izinto zaba nzima kakhulu esikhundleni sokusiza.
Manje usecele iNkantolo eNkulu yaseGoli ukuthi inqume ngalolu daba ngaphambi kokuthi kusongwe isizini, kanti ukulalelwa kwalolu daba kuhlehliselwe umhlaka-20 kuNhlaba.
Osesithombeni esingenhla: Umnikazi we-Royal AM uShauwn ‘MaMkhize’ Mkhize.
Umthombo wesithombe: MamKhize Instagram