UMagashule onenkani usadlala ngomlilo

Lungani Zungu noZukile Majova

Vele usemisiwe futhi usanda kukhishwa kwi-ANC National Committee, kodwa u-Ace Magashule usazama ukubambelela.

Ngempelasonto, uMagashule uphikise yonke imibandela ebhalwe encwadini yokumiswa kwakhe.

Le yimibandela yokumiswa kwakhe:

– Angeke athwale imisebenzi nezimfanelo zehhovisi lakhe njengonobhala-jikelele

– Angeke amele inhlangano esidlangalaleni noma kwesinye isithangami

– Akavumelekile ukwenza izethulo zomphakathi ezindabeni eziphathelene nenhlangano

– Angeke ahlanganyele ekugqugquzeleni izinhlaka ze-ANC, noma yiziphi ezinye izinhlangano, noma abantu, kufaka phakathi ukushiya kwakhe eceleni kanye nezindaba ezihlobene nalokho.

Kusukela amiswa mhla zintathu kuNhlaba, uMagashule ukhiphe isitatimende esikhundleni sakhe njengoNobhala-Jikelele emisa uMengameli uCyril Ramaphosa.

Ubuye waba nezingxoxo eziningi nabezindaba ekhuluma ngokushiya kwakhe eceleni wahlanganyela nezinhlaka ze-ANC, amagatsha kanye namalungu e-ANC.

Zonke lezi zenzo zingaphoqa isandla sikaRamaphosa ukuhudula uMagashule odelelayo kwikomidi langaphakathi lokuqondiswa kwezigwegwe leqembu.

Ngemuva kokuthi uhlelo lwakhe olwesabekayo lokubhidliza umhlangano oyisipesheli we-NEC lungaphumelelanga, uMagashule ushintshe uhlelo.

Isikhulu se-ANC esimisiwe manje sihlanganisa amagatsha e-ANC ukuba alwe noRamaphosa.

NgeSonto amagatsha amaningi e-ANC esifundeni saseThekwini ahlangane e-Durban Girls High School ngenhloso yokuveza obala ukuthi ayameseka uMagashule nowayenguMengameli wezwe uJacob Zuma.

UMagashule wenqabile ukuphawula ngesikhathi ethintwa ngeSonto.

“Ngenza umsebenzi we-ANC,” esho, ngaphambi kokuvala ucingo.

Ukumiswa kukaMagashule bekungezinye futhi izinkomba zokuthi uRamaphosa ubambelele ngokuqinile kwi-NEC, yize izitha zakhe bezithi unguMengameli obuthaka.

Ukumiswa kukaMagashule nakho kwamxabanisa nalowo owayekade eqotho kanye nowayeyiphini lakhe, uJessie Duarte, owabhala incwadi yokumiswa.

Iqembu lamagatsha e-Free State, okuyisisifundazwe sangakubo, kukholakala ukuthi belinxenxa ngasese amanye amagatsha ukuthi alahle isisindo sawo ngemuva kukaMagashule obebambekile.

Kodwa okhulumela i-ANC uPule Mabe utshele i-Scrolla.Africa ukuthi isinqumo se-NEC singujuqu.

“Sonke siyalingana njengamalungu e-ANC futhi izinqumo ezithathwa yi-NEC zingujuqu.”

Isithombe: @magashule_ace

Izihloko zakamuva