Dylan Bettencourt
ULewis Hamilton unqobe umjaho we-Grand Prix obusingathwe kwelakubo kulandela ukushayisana nomphetha omkhulu walo mjaho uMax Verstappen.
Ijika lokuqala lidale injabulo engajwayelekile ku-Formula One, njengoba belinabalandeli abayi-140,000 ebebheke ngabomvu. UHamilton noVerstappen babambane kwijika lokuqala kumjaho obumnandi ngempela.
Kodwa-ke, ngesikhathi befika ekhoneni lokuqala lejika lesibili laba bobabili bashayisene okuthumele uVerstappen odongeni ngejubane eliphezulu.
Ngenxa yalokho lo mjaho ukhishelwe ikhadi elibomvu ngemuva kokushayisana okukhulu, okwenze umjaho wamiswa isigamu sehora. Ngenhlanhla kubalandeli emhlabeni jikelele, umshayeli waseDashi uphume emotweni wayiswa esibhedlela ukuyohlolwa kabanzi ngokuqhubekayo ngesivinini okwenzeke ngaso ingozi.
Esinqumweni esidale enkulu impikiswano abaningi abathi bekuyisigameko nje sokugijima, umshayeli waseBrithani uthole inhlawulo yemizuzwana eyishumi.
Uphoqeleke ukuthi ahlule umshayeli we-Ferrari uCharles Leclerc, kodwa uthathe indawo yokuqala sekusele amajika amathathu kuphela.
UHamilton uthe ukunqoba kwakhe okwesishiyagalombili kwinkundla yase-Silverstone kube yiphupho elifezekile: “Kunzima. Ngicabanga ukuthi bengizinikela ngakho konke kuleli sonto eledlule, bengisefomini ngizama ukuba sefomini ngenzela iqembu lami futhi ngiyaziqhenya ngabo ngokuqhubeka nokusebenza yize sihlawulisiwe.”
UVerstappen ungene ngempelasonto ehamba phambili ngamaphuzu angama-32, ukunqoba kukaHamilton kanye nengozi embi kaVerstappen ikhona okuholele emaphuzwini ayi-8.
UChristian Horner, uthishanhloko weqembu i-Red Bull, ubengeneme kakhulu ngalo mpetha osewine amahlandla ayisikhombisa, ethi: “I-Copse ngelinye lamajika asheshayo emhlabeni, awukwazi ukunamathelisa isondo ngaphakathi ngoba lokho ukushayela okungekuhle neze.”
UHorner uqhubeke wathi kumele kusolwe uHamilton futhi ubonge ukuthi umshayeli wakhe uphume engenamyocu.
Okulandelayo kubashayeli be-Formula One kuzoba yi-Hungary Grand Prix ezoba ngeSonto lomhla zi-1 kuNcwaba, lapho kuzobhekana khona uHamilton noVerstappen.
Umthombo wesithombe: @Sporf