UChristian Kouame, odlalela izwe i-Ivory Coast, ulaliswe esibhedlela lapho elashelwa khona umalaleveva.
Lo mdlali webhola oneminyaka engu-26 ubudala ugule ngoLwesibili ebusuku kanti ukuhlolwa kwakhe kuqinisekisile ukuthi unomalaleveva.
I-Fiorentina ithe impilo kaKouame ibhekwa ngokucophelela futhi uzoqhubeka nokuhlolwa ezinsukwini ezizayo ukuze kuqashwe ukululama kwakhe.
I-Afcon ebisingathwe yizwe lakubo, uKouame ubonakale emidlalweni emine waphinde waba nesandla ekunqobeni kwe-Ivory Coast ngamagoli amabili kwelilodwa idlala ne-Nigeria kowamanqamu.
Indlela adlale ngayo ibincomeka ikakhulukazi ngesikhathi bebhekene ne-Mali emdlalweni wama-quarterfinal nawo abawunqobe ngamagoli amabili kwelilodwa.
Kule sizini uKouame ube ngumdlali obalulekile emkhankasweni we-Fiorentina ubambe iqhaza emidlalweni engu-22 washaya igoli elilodwa.
Luhlanganiswe ngumbhali we-Stuff
Isithombe esingenhla: UChristian Kouame.
Umthombo wesithombe: X