UKwesta uzokhipha i-albhamu entsha

Sizwe Sibiya

UKwesta, ogama lakhe langempela nguSenzo Vilakazi, ubuyele ezimpandeni zakhe ngengoma yakhe yakamuva ethi “Fire In The Ghetto.”

Le ngoma eyokuqala evela kwi-albhamu yakhe yesine ezayo, i-G.o.d. Guluva.

Le nsizwa eneminyaka engama-32 yakhipha le ngoma ngoNdasa, kanti inezinsimbi zomculo we-Kwaito njengalezo ezaziku-albhamu yaphambilini, i-DaKAR II.

Kule ngoma uphethe uTroublle, ocula ngezinkinga zese-ghetto futhi nothanda lwelokishi yize liphoxana.

UKwesta, owazalelwa elokishini lase-Katlehong e-Kurhuleni, usewushintshile umsindo abekade ecula ngawo kusukela eneminyaka eyi-15 kuphela neqembu lakhe i-Ghetto Fellaz.

Leli qembu lalaziwa ngokuthi yi-Juvenlyz – , wasungula umsindo owehlukile owagcina umenze umculi we-hip-hop odayisa futhi owaziwa kakhulu ezweni.

Kodwa i-G.o.d Guluva, okulindeleke ukuthi ikhishwe ngoLwesihlanu mhla zingama-30 kuMbasa kowe-2021, ithembisa ukuthi izogxila ekudluliseni umyalezo futhi iqukethe i-rap enesigqi kunaleyo ekwi-albhamu yakhe yangaphambilini.

UKwesta, owake wabe wavakashela uhlelo oludumile lwe-Sway in the Morning esiteshini somsakazo waseMelika , kanti useke wasebenza nabaculi abadumile bamazwe omhlaba abanjengoRick Ross, uHomie Quan kanye noWale engomeni yakhe eyadayisa iplathinamu ethi “Spirit.”

UKwesta onengoma eyafakwa kufilimu yase-Hollywood i-Death Race 3 ethi “Stomp”, usezisayine kwilebuli yakhe yokurekhoda ezimele, i-RapLyf Records, ayisungula noKid X.

Umthombo wesithombe: SlikourOnLife