Dylan Bettencourt
Wonke amehlo azobe eku-Euro 2020 ezinsukwini ezizayo. Imidlalo emibili emikhulu ivelele emzuliswaneni we-16 njengoba i-Portugal inethemba lokuqhubekela phambili ibhekene ne-Belgium ukuvikela isicoco sayo ngenkathi ukungqubuzana kwezimbangi ezimbili ezindala kuzobe kuyiNgilandi ibhekene neJalimane (ungayisho impi!).
Umhlaba wonke webhola uzobe ubheke ngabomvu ukubona ukuthi uCristiano Ronaldo uzoliphula yini irekhodi lika-Ali Daei lamagoli ayi-109 emaqenjini esizwe ngemuva kokuthi uRonaldo efanise lesi sibalo ngenkathi i-Portugal idlala ne-France emdlalweni wokugcina kaGroup F kuleli sonto.
Njengoba umncintiswano ushubile kulandela ukuphethwa kwesigaba sasesiteji esimangazayo, imizuliswano yomkhumulajezi izokwanela ukugcwalisa ipuleti lanoma ngubani lokubuka ibhola! I-Wales izodlala ne-Denmark; I-Italy idlale ne-Austria; I-Netherlands izodlala ne-Czech Republic; I-Croatia izobhekana ne-Spain; I-France izogqubuzana ne-Switzerland; kanti i-Sweden yona izodlala ne-Ukraine.
Abalandeli bohlangothi lwase-Portugal- nami uqobo – sizozwa ukungabaza okuthile ebafaneni bakaFernando Santos njengoba bezodlala neqembu elihamba phambili emhlabeni i-Belgium, iqembu elilodwa kuphela elinqobe imidlalo yalo yomithathu yamaqoqo alo. I-Belgium iyizintandokazi futhi umfutho wayo kufanele udlulele kuma-quarter final.
Umdlalo uqala ngeSonto ngo-21: 00 ngesikhathi saseNingizimu Afrika kanti owe-England neJalimane ezoba ngoLwesibili ngo-18: 00 ngesikhathi saseNingizimu Afrika.
Abathandi bebhola bakule ndawo banamazi emadolweni njengoba iKaizer Chiefs izobhekana neWydad Casablanca e-FNB Stadium ngoMgqibelo. Amakhosi angena kulo mdlalo ngo 1-0. Ukunqoba noma ukudlala ngokulingana kweChiefs kuzokwenza ukuthi badlulele kowamanqamu we-CAF Champions League.
Abalandeli be-Formula One nabo bazokuba nempelasonto enhle njengoba amaqembu eza e-Austria emqhedelwaneni we-Styrian Grand Prix. IRed Bull uyaqhubeka nomzabalazo wayo wokwehlisa iqembu elinamandla iMercedes esihlalweni eselinqobe imiqhudelwano eyisikhombisa eyedlule ye-F1.
IRed Bull ubukeka elambile kulaba ababili futhi umuzwa wami ukuthi ngoZibandlela, kuzoba nenkosi entsha ku-Formula One njengoba uMax Verstappen eqhubeka nokuziqinisa ngaphezu kukaLewis Hamilton. Izibani ezikhanyisela lo mjaho zizobekwa ngo-15: 00 ngesikhathi saseNingizimu Afrika ngeSonto.
AmaProtea aqala imidlalo yawo emihlanu yochungechunge lwe-T20 bedlala neWest Indies ngoMgqibelo njengoba iqembu lekhilikithi laseNingizimu Afrika libukeka liqhubeka nokulawula i-West Indies ngenye indlela ehlukile.
AmaProtea anqobe i-series ngo-2-0 bedlala neqembu lase-Caribbean ngoMsombuluko kodwa amaProteas aguqula isimo njalo, abalandeli kanye nami uqobo sihlale silindele okubi kakhulu kodwa sithemba okungcono uma kukhulunywa ngeqembu lethu lekhilikithi lesizwe.
Imidlalo yokuqala kwemihlanu ye-T20 iqala ngo-20: 00 ngesikhathi saseNingizimu Afrika e-National Cricket Stadium e-Caribbean.
Umthombo wesithombe: @Marca