Ukuza kuka-Ayra Starr obekubhekwe ngabomvu eNingizimu Afrika angeke kusenzeka.
Njengoba abalandeli baseKapa naseGoli bebezilungiselela ukubona umculo lo mculi kule nyanga bazophoxeka njengoba imicimbi isihoxisiwe.
U-Ayra nethimba lakhe bazithola besesimeni esimbi njengoba izicelo zabo ze-visa zichithiwe.
“Siyaxolisa ukumemezela ukuhoxiswa kwemicimbi ka-Ayra Starr ebihlelelwe ukuba seGoli naseKapa eNingizimu Afrika ngomhlaka-16 nangomhlaka-17 kuNhlolanja ngo-2024,” kuchaza isitatimende esisemthethweni: .
“Okubuhlungu lokhu sekwenzeke izikhathi eziningi kwabanye abaculi base-West Afrika kanti ukunqatshwa kwesicelo se-visa kusuke kungalona iphutha labo.”
Umhleli womcimbi uthe abathenge amathikithi bazobuyiselwa imali yabo kuleli sonto elizayo.
Abalandeli abaningi bebegcwele ukudideka. Oyi-Influencer uKim Jayde uzame ukwehlisa umoya ngomyalezo wakhe othi: “Ngokusobala sidumele kakhulu, kodwa sibheke ngabomvu imicimbi ejabulisayo unyaka wonke!”
Kanti uLady Du akakholwa.
“Kanjani i-Visa eNingizimu Africa akukwazi,” enanela ukushaqeka okuzwiwa abaningi.
Luhlanganiswe ngumbhali we-Stuff
Isithombe esingenhla: U-Ayra Starr.
Umthombo wesithombe: X