Ukhalelwe amasongo kasigonyela uGogo Maweni

Lubhalwe nguDoreen Mokgolo

Isangoma esingusaziwayo uDkt Maweni, oboshelwe icala lokuhlasela lango-2019, uzophinde aphenywe ngamacala amane okubulala asaqhubeka kusukela ngo-2020 kuya ku-2024.

ISangoma esaziwa ngokuphila impilo yobukhazikhazi,sisolwa ngokuvuma amacala okubulala nokuzama ukuthakatha isangoma esiyimbangi uGogo Skhotheni. Ibheyili izophikiswa.

Isangoma esingusaziwayo uDkt Maweni uzovela eNkantolo yeMantshi yase-Protea, ngecala lokushaya ngenhloso yokulimaza, ngoMsombuluko.

Icala le-GBH limayelana nodaba okuthiwa lwenzeka ngo-2019.

UMakgotso Mofokeng (39), uboshwe ngeSonto e-Mondeor ngamalungu e-Gauteng Province Cold Case Investigation Unit kanye ne-Gauteng Counter Intelligence Investigation.

Lokhu kwenzeke ngesikhathi kunomkhankaso wophenyo obelufka ezobunhloli wokuthungatha umsolwa ukuze aboshwe.

Okhulumela amaphoyisa ase-Gauteng uLieutenant Colonel Mavela Masondo ukuqinisekisile ukuboshwa.

Uphinde amataniswa namacala amane okubulala asaqhubeka abikwe e-Eldorado Park, e-Mondeor, ise-Orange Farm, nase-Bekkersdal phakathi kuka-2020 no-2024.

UMaweni waziwa ngokuphila impilo yobukhazikhazi nokubandakanyeka ezweni elimnyama lokuthakatha.

Ngenyanga edlule ngesikhathi kunombango ezinkundleni zokuxhumana esinye isangoma esingusaziwayo uGogo Skhotheni sadalula ekhasini laso ku-TikTok ukuthi uMaweni wenze izigameko ezahlukene zokubulala kanti lawo macala asamisiwe kuze kuvele ubufakazi obusha.

Waphinde washo nezinombolo zamacala ukuze asekele lezi zinsolo.

USkhotheni uthe: “Sekuphele iminyaka emibili azi ngamacala kodwa akukho okuphumayo ophenyweni.

“Uwavumile amacala ephuzile emndenini wakhe, nomfowabo wangixoxela ngale ndaba, kodwa angisho lutho.

“Kodwa manje njengoba esezama ukwenza ubuthakathi ngesidumbu sengane yami engasekho, ngizolwa kuze kube sekugcineni okubuhlungu,” kusho yena.

Umbuso uhlose ukuphikisa ibheyili yakhe.

Esithombeni esingenhla: UGogo Maweni.

Umthombo: Sithunyelwe

Izihloko zakamuva