Sizwe Sibiya
Umculi odume ngelikaKanye West usebambezele ukukhishwa kwe-album yakhe yakamuva ebilindelwe.
Lo mculi odumile we-hip-hop usematasa ulungisa i-album yakhe enesihloko esithi “Donda” okwakumele ikhishwe mhla zingama-22 kuNtulikazi.
Kusukela lapho usuku lokukhishwa kwe-album seluhlehliswe kaningi. Okokuqala kwakhethwa usuku lo mhla ziyi-5 kuNcwaba kwaphinda kwahlehla kumhla ziyi-15 kuNcwaba.
Umphathi wakhe u-Abou Thiam uthe i-album angeke iphume kulelisonto elizayo.
UThiam uthe i-album izophuma ngemuva kokulalelwa i-third Party, kodwa lokho kuzokwenzeka e-Chicago ngoLwesine mhla zingama-26 kuNcwaba endaweni yase-Chicago Soldier, kodwa siyazi futhi i-Listening party isazothatha nayo isikhathi sayo.
Abaningi banakile ukuthi uThiam akazange alusho usuku oluqondile enzela ukugwema ukuphoxeka kwabaningi.
UKanye West ugqugquzele inkampani ekhiqiza amathoyizi abizwa nge-new lego figure.
Inkampani ebizwa ngokuthi i-French Davril isiveze ithoyizi layo elisha le-lego human figure abaliqambe ngokuthi “Donda”. Leli thoyizi liphuma ligqoke ijakhethi emyama yakwa-Balenciaga efana neyayigqokwe uKanye west emcimbini wokulalela ingoma okwesibili ye-album engakakhishwa umcimbi owawubanjelwe e-Atlanta Mercedes Benz Stadium.
Inkundla manje isetshenziswa uKanye west ukuze alungiselele ukukhishwa kwe-album yakhe eqanjwe ngegama likamama wakhe ongasekho.
Umthombo wesithombe: @DAVRIL