Lubhalwe nguRazeen Gutta
Ukuzimisela komdlali ovelele kwi-Wimbledon kwabahamba phambili abangu-16 u-Ons Jabeur usengene kuma-quarter final no-Elena Rybakina, owesifazane owamhlula kowamanqamu nyakenye.
UJabeur uhlule umpetha womhlaba wesishiyagalolunye uPetra Kvitova ngo-6-0, 6-3 ngokuwina okujwayelekile njengoba umdlalo uthathe isikhathi esingaphezudlwana kwehora ukuthi uphele.
Ababaningi abebelindele ukudlala kohlangothi olulodwa kanye nabadlali bethenisi ababili abahamba phambili kwabayishumi betholana phezulu enkundleni.
Ngemuva kokuba umdlali wokuqala oyi-Arab ukufinyelela kuma-quarter-final e-Wimbledon eminyakeni emibili edlule, uJabeur ongumdlali wesithupha manje usefinyelele kweyisishiyagalombili yokugcina eminyakeni emithathu ilandelana.
Kwakungu-Rybakina owamvimba ukunqoba ngo-2022, kodwa usanephupho lokuba owesifazane wase-Afrika kanye noyi-Arab wokuqala ukunqoba i-Grand Slam.
Lena into uJabeur ayiqaphelile ngemuva komdlalo njengoba ehlela ukuziphindiselela.
“Ngizoziphindiselela. Bekuwumdlalo wamanqamu onzima ngonyaka odlule,” kusho lo mdlali(28).
“Kuzoletha izinkumbulo eziningi. Ngiyethemba ukuthi ngizodlala njenganamuhla futhi nginqobe, ngoba ungumdlali omangalisayo. Uhlale ezimisele ngaso sonke isikhathi, akanamhawu. Kuzoba umdlalo onzima.”
Umdlalo wama-quarter final uzoba ngoLwesithathu.
Esithombeni esingenhla: U-Ons Jabeur
Umthombo wesithombe: @wimbledon