UHildah Magaia ungena ebholeni lomhlaba

Timmy T Maranda

Isihlabani seBanyana Banyana, uHildah Magaia usayine inkontileka yakhe yobungcweti neMoron BK yase-Sweden ngoLwesithathu futhi uyilungele inselelo entsha.

UMagaia ubeyingxenye yeqembu leBanyana Banyana elithathe i-Cosafa Cup 2020 futhi waqokwa njengomdlali ovelele ku-Cosafa Women Championship.

Lo mdlali ube nesizini emnandi ne-Tshwane University of Technology ku-SAFA National Women League ngokushaya amagoli angama-36 waqeda isizini ngamagoli alinganayo noRhoda Mulaudzi emashadini okushaya amagoli.

Lo mdlali uphinde wasiza i-TUT ukuthi iqede njengabagijimi be-SAFA National Women League ngemuva kwi-Champions Mamelodi Sundowns Ladies.

Umdlali ozalelwe e-Denilton utshele abakwa-Scrolla.Africa ukuthi ujabule kakhulu futhi ululungele uhambo lwakhe olusha.

“Sekuyisikhathi manje. Nginethemba lokuba nesikhathi esihle kakhulu empilweni yami e-Sweden futhi ngikwazi ukusebenzisa ithalente uNkulunkulu anginike lona ngendlela enhle. Ngifuna ukwenza umndeni wami nesizwe siziqhenye ngami,” uyasho.

UMagaia ujoyina uhlu olukhulayo lwabadlali beBanyana Banyana abaphakamisela phezulu ifulegi laseNingizimu Afrika ebholeni lomhlaba.

Abadlali beBanyana Banyana manje abadlala phesheya kwezilwandle yilaba abalandelayo:

UThembi Kgathlana, e-Spain

UNoko Matlou, e-Spain

UJermaine Seopasenwe, e-Portugal

URefiloe Jane, e-Italy

U-Ode Fuluditulu, e-Finland

UJanine Van Wyk, e-Scotland

UBambanani Mbane, e-Belarus

ULebogang Ramalepe, e-Belarus

UKelso Peskin, e-France

U-Amanda Mthandi, e-Spain

UNothando Vilakazi, e-Spain

URhoda Mulaudzi, e-Belarus

U-Andisiwe Ngcoyi, e-Kosovo

UZanele Nhlapo, e-Kosovo, Albania

ULinda Motlhali, e-Sweden

URegina Mogolola, e-Serbia

URachel Sebati, e-Turkey

U-Amogelang Motau, e-USA

ULetago Modiba, e-Turkey

UKholoso Biyana, e-Spain

ULeandra Smeda, e-Sweden

Umthombo wesithombe: @BanyanaBanyana