Kamogelo Muvhenzhe
IMeya kamasipala waseMalahleni uLinah Malatjie nomyeni wakhe bashone engozini yemoto ngeSonto ebusuku.
UMalatjie ubehamba nomnyeni wakhe u-Esau emgwaqeni oxhumanisa indawo yaKwaMhlanga neyaseMalahleni eMpumalanga ngesikhathi imoto yabo ishayisana nenye imoto.
I-ENCA isibike ukuthi ithimba likahulumeni wesifundazwe saseMpumalanga belisendleleni belibangise kwaMalatjie ukuyozwa eminye imininingwane namhlanje ekuseni.
UMalatjie ubeyimeya kumasipala waseMalahleni kusukela ngonyaka ka-2018.
I-ANC esifundeni saseNkangala isidlulise amazwi enduduzo emndenini bathi bazokhumbula uMalatjie ngokuzinikela kwakhe njengesisebenzi sikahulumeni nesishoshovu somzabalazo.
Lolu daba lusaqhubeka.