Lubhalwe nguZukile Majova
IPhini likaMengameli we-EFF uFloyd Shivambu nedlanzana lamalungu obuholi obuphezulu beqembu bajoyine iqembu likaJacob Zuma loMkhonto weSizwe.
UShivambu owahlangana noZuma emzini wakhe waKwaDakwadunuse eNkandla ngaphambi kokhetho lukazwelonke, kulindeleke ukuthi abe yilungu lePhalamende leqembu le-MK.
Iqembu seliyekise amalungu ePhalamende angu-20 kanti lisezinhlelweni zokuqinisa abuholi balo khona ePhalamende.
UShivambu kulindeleke ukuthi ashiye ukwakhiwa kwenqubomgomo futhi akhe isu lasePhalamende leqembu le-MK okwamanje elakhiwe amalungu ePhalamende angenawo amava.
Njengeqembu elikhulu elingaphandle kukahulumeni wobumbano lukazwelonke, iqembu le-MK liyiqembu eliphikisayo elisemthethweni ePhalamende.
Yize iholwa ngowayengumengameli wamaJaji eKapa, uJohn Hlophe, le nhlangano iphumele obala ngokuthi ayinalo olwazi ngePhalamende.
Abamele i-MK emakomitini ehlukene ePhalamende kulindeleke ukuthi bahole imizamo yokuthi uhulumeni kaMengameli Cyril Ramaphosa aphendule.
Iqembu lithole ngaphezu kuka-15% wesabelo sikazwelonke sevoti futhi linamalungu ePhalamende angu-58.
UMengameli we-EFF uJulius Malema utshele isithangami sabezindaba eGoli ukuthi ulindele amanye amalungu ePhalamende ajoyine uShivambu okuhlanganisa noMzwanele Manyi, okhulumela uZuma.
Abanye abajoyine lolu fuduko ngu-Carl Niehaus, owayenguMvikeli woMphakathi uBusisiwe Mkhwebane kanye noVeronica Mente uSihlalo we-EFF.
“Bazoba baningi nabanye abazoshiya i-EFF ngoba bethembekile futhi beseka iPhini likaMengameli ngakho amalungu emazingeni aphansi kumele azilungiselele ukuthi baningi abantu abazolandela.
“Futhi lokhu akumele kudale ukubhidlika kwe-EFF,” kusho uMalema.