Everson Luhanga
Ngonyaka odlule, i-Scrolla.Africa sasilandela ngokucophelela udaba lukaRosemary Ndlovu, osolwa ngokubulala abantu ukuze athole imali yomshwalense.
Owayengusayitsheni wamaphoyisa njengamanje ubhekene necala lokubulala amalungu amahlanu omndeni wakhe ukuze athole imali yomshwalense.
Kusukela bebhale le ndaba ngoMandulo ngowezi-2020, izintatheli zethu bezilwela ukwazi kabanzi ngodaba lukaRosemary: ukuthi ungubani nokuthi uphenyo lwamaphoyisa oludonse izinyanga lwaholela kanjani ekuboshweni kwakhe.
Ochungechungeni lwezingxenye eziyisishiyagalolunye, sikhulume nalabo ababemazi – amalungu omndeni asolwa ngokuwakhela uzungu kanye namaphoyisa enza uphenyo.
● Ingxenye yokuqala: Sikhulume nalabo abebemazi uRosemary, abasebenza naye ngaphambilini, amaphoyisa abesebenza ngokungakhathali kuleli cala kanye nomfowabo.
● Ingxenye yesibili: URosemary umangalelwe ngokubulala amalungu omndeni amahlanu ukuze athole imali yomshwalense esikhathini seminyaka eyisithupha.
● Ingxenye yesithathu: UColonel Nthipe Boloka, oyiphoyisa elinokucophelela futhi “onomoya ophansi”, wenza uphenyo oluthathe izinyanga olwagcina luholele kuRosemary.
● Ingxenye yesine: Akwazi kanjani amaphoyisa ukuzenza izinkabi nomkhankaso wokubopha uRosemary.
● Ingxenye yesihlanu: Izikhathi ezingemuva kokuba uRosemary aboshwe ngamaphoyisa.
● Ingxenye yesithupha: Sikhuluma noConstable Bheki Zulu, umphenyi owayehlukumezeke kakhulu ngalezi zigameko zokubulawa kwabantu okwadingeka ukuthi aphenye waze washiya icala
● Ingxenye yesikhombisa: Ukuqonda umfowabo kaRosemary, uDirector Ndlovu, okholelwa ekutheni udadewabo akanalo icala lokubulala amalungu omndeni wabo bobabili.
● Ingxenye yesishiyagalombili: Kukhunjulwa uMaurice Mabasa, isoka likaRosemary asolwa ngokulibulala.
● Ingxenye yesishiyagalolunye: Ukuqulwa kwecala likaRosemary Ndlovu. Isimilo esizothile sowesifazane obhekene namacala amahlanu okubulala.