UBusiswa uzobanohlelo ku-BET

Sizwe Sibiya

Isethelayithi yemabonakude yaba yinto wonke okumele abenayo eMzansi ngemuva kokuthi i-DStv idlale Isibaya, okuwumdlalo odlala ku-Mzansi Magic osuthathe izisicoco ngowezi-2013. Abantu abaningi baphuma bayothenga isethi yabo yokuqala ye-DSTV ngenxa yokuthandwa kwawo nokwesaba ukuphuthelwa.

Isibalo esikhulu semidlalo yobukhazikhazi – yethulwe iziteshi ze-DStv, ezazivame ukudlala kakhulu imibukiso ye-TV elandela izimpilo zabantu baseMelika. 

Lokhu kuqale ukungenisa namaciko  akuleli kulo mkhuba.

Abaculi namanye amathalente – kusuka kuKelly Khumalo, uPapa Penny, uLaSizwe noKhanyi Mbau kuya komama abacebile ngisho nezithembu kanye neZangoma – bavumele abantu baseNingizimu Afrika ukuthi babheke ekujuleni kwemisebenzi yabo yansuku zonke ngemuva kokuthola imibukiso yabo ye-DStv.

Manje iKalawa Jazmee-signee uBusiswa – wodumo lwengoma yangowezi-2013 ethi ‘Ngoku’ eyayibandakanya u-Oskido no-Uhuru – naye uthola ucezu lwakhe kumabonakude.

NgoMsombuluko i-BET Africa imemezele ukuthi uBusiswa – ogama lakhe eliphelele nguBusiswa Gqulu, futhi odabuka e-Eastern Cape – uzokwethula uhlelo oluthi-‘Her Majesty: Busiswa’ okuwuhlelo oluzokhombisa ubuqobo bakhe.

“Lungela uhlelo olusha sha lwangempela oluzobe likhombisa ubuqobo ‘bendlovukazi yobumnandi’.”

I-Her Majesty: UBusiswa uzoqala ukukhonjiswa kumabonakude ngoMgqibelo, mhla zingama-20 kuNdasa.