Lubhalwe nguRorisang Modiba
UBujy Bikwa uphethe uhlelo iGwababa oluzodlala ku-Moja Love olusiza abantu bavume imizwa yabo kulabo abathandana nabo, lizoqala ngomhlaka-1 kuLwezi ka-2025 ngo-6 ntambama.
Abalandeli bahlukene phakathi ngokubuya kukaBujy ngemuva kwesikhathi sakhe esedlule noBoity Thulo, abanye bejabulela ukubuya kwakhe kanti abanye bagxeka uMoja Love.
UBujy Bikwa usebuyile kumabonakude ngohlelo olusha kuMoja Love.
Oyi-Entertainment commentator uPhil Mphela ukuqinisekisile ngoLwesine ngomhlaka-30 kuMfumfu, ukuthi uBujy uzophatha uhlelo iGwababa, oluzokhonjiswa okokuqala ngoMgqibelo ngomhlaka-1 kuLwezi ngo-6 ntambama ku-Channel 157.
UBujy wabelane ngokwenzeka kuloluhlelo ku-Instagram, ethi lolu hlelo lusiza abantu banqobe ukwesaba ukutshela umuntu abamthandayo. Kubanika ithuba lokuvuleka mhlawumbe bathole uthando.
“Kumayelana nokusiza abantu baxhumane nalabo abahlezi befuna ukukhuluma nabo,” esho.
Ukusabela kwabantu ezinkundleni zokuxhumana bekuhlukene. Abanye abalandeli bamamukele, bethi wonke umuntu ufanele elinye ithuba.
“Usejezile ngezenzo zakhe,” kubhala omunye. Omunye wanezela, “Siyakwamukela futhi, Bujy baby.”
Abanye bagxeke uMoja Love ngokumnika enye inkundla, uma kubhekwa isikhathi sakhe esidlule esibandakanya uBoity Thulo. Omunye uthe, “Bekufanele kube yi-Moja Love,” besicabanga ukuthi ukhanseliwe.”
Ngaphandle kokuhlehla, iGwababa izobuyisa uBujy emehlweni abantu ngemuva kweminyaka engekho kumabonakude.
Esithombeni esingenhla: UBujy Bikwa.
Umthombo wesithombe: @sthembinkosi_bikwa