Owesifazane uboshiwe ngemuva kokubanjwa entshontsha isihlahla sikaKhisimusi somlingisi uRobert De Niro e-New York City.
Kusolakala ukuthi lona wesifazane ugqekeze emzini kaDe Niro (79) ezintatha zangoMsombuluko.
I-BBC ibika ukuthi amaphoyisa abone owesifazane engena ngaphansi kwebhilidi lomlingisi e-Upper East Side ngabo-2 ekuseni ase emlandela.
Owesifazane (30) uShanice Aviles utholwe efulethini ezama ukuthatha izipho ebezingaphansi kwesihlahla sikaKhisimusi ezifaka esikhwameni sakhe. Uboshwe endaweni yesigameko.
Ngokusho kwamaphoyisa, bebengazi ukuthi leli fulethi ngelikaDe Niro kuze kwaba ngesikhathi lesi sihlabani saseMelika sehla sigqoke ingubo yaso yokulala ngemuva kokuzwa isiphithiphithi.
Okhulumela amaphoyisa uthe uphenyo luyaqhubeka.
“Owesifazane uke waboshwa kaningi ngokugqekeza,” kusho okhulumela amaphoyisa.
Okhulumela uDe Niro uthe kugqekezwe emzini walo mlingisi osemnkantshubomvu abeqashe kuwo okwesikhashana.
Luhlanganiswe nguMashudu Mabila
Esithombeni esingenhla: URobert De Niro/@Twitter
Umthombo wesithombe: BBC News/ ABC News