Mmaditaba
Ukulahlwa ngamacala okunukubeza kukaBill Cosby kuguquliwe.
Lokhu kusho ukuthi manje usezoba yindoda ekhululekile. Usomahlaya waseMelika, owaziwa yizethameli zaseNingizimu Afrika njengendoda yomndeni uDkt uCliff Huxtable, vele usedonse iminyaka engaphezu kwemibili yesigwebo seminyaka emithathu kuya kweyishumi ngokudlisa izidakamizwa nokuhlukumeza u-Andrea Constand, owayengumdlali we-basketball, ngowezi-2004.
Abanye besifazane nabo basola uCosby ngokubahlukumeza ngokocansi, kodwa wavele waquliswa icala elimayelana noConstand kuphela.
Manje iNkantolo eNkulu yase-Pennsylvania ithole ukuthi bekunokuphulwa kwenqubo kuleli cala njengoba phambilini uCosby enza isivumelwano nomshushisi wombuso ukuthi ngeke abekwe icala.
Ngaphansi kwalesi sinqumo, noma ikuphi ukushushiswa okuzayo ngaleli cala kuzovinjelwa.
Akucaci ukuthi uCosby uzokhishwa nini ngenxa yamaphepha.