Sizwe Sibiya
Umrepha uBig Zulu ubejabulele ukuduma kwakhe njengo saziwayo eminyakeni emibili edlule, kanti manje usenqume ukubuyela lapho kwaqala khona konke futhi aphinde azinikele emphakathini kagogo wakhe owamkhulisa.
Umsunguli we-Inkabi Records wakhe kabusha umuzi kagogo wakhe ongasekho e-Bergville, KwaZulu-Natali, lapho okusahlala khona izihlobo zabo.
Engomeni yakhe eyashisa izikhotha nyakanye ethi, “Inhlupheko”, echaza ubumpofu ngesiZulu, wayechaza isithombe sokuthi ugogo wakhe uDoris wayethwala kanzima kangakanani ekukhuliseni yena nezingane zakubo emaphandleni. Lo mrepha oneminyaka engu-34 uphinde wakhombisa ngezithombe zakudala zendlu kaDoris nezithombe zamanje eseyakhe kabusha.
“Njengoba ngangishilo, Nkabi Nation, ngizowakha kabusha umuzi kagogo,” kubhala uBig Zulu ezithombeni azifake ekhasini lakhe laku-Instagram.
Khonamanjalo, abalandeli bakaBig Zulu njengoSomizi Mhlongo basethubeni lokuwina usuku lwezithandani nomrepha.
Abazongenela kumele bafake ividiyo ezinkundleni zokuxhumana becula ingoma kaBig Zulu ethi “Ivolovolo”, kanti ozodla umhlanganiso uzothola ukuchitha ubusuku bangomhlaka-14 nalo mrepha.
Owinile emqhudelwaneni kaBig Zulu akudingeki ukuthi akhokhe imali engu-R70,000.
Umthombo wesithombe: Instagram
.
