Ubanjiwe umsubathi obezama ukurobha umjaho

Lubhalwe nguRazeen Gutta

Umsubathi wase-Scotland we-ultra-marathon ubanjwe engena emotweni phakathi nomjaho ka-80 km!

UJoasia Zakrzewski uzame ukukhathula umthwalo emjahweni ka-2023 GB Ultras Manchester obheke e-Liverpool ongu-50 miles, kodwa useze ukhishiwe ngemuva kokubanjwa.

Ngokusobala, lo wesifazane oneminyaka engu-47 ubudala ubezizwa ekhathele futhi efuna ukuphonsa ithawula. Kodwa esikhundleni sokuvuma ukuthi uyahluleka wanquma ukuzenza ohlakaniphile ngokungena emotweni ukuze imqhubeze kancane amakhilomitha angu-2,5!

Nokho ngokushesha ubanjwe ngobuchwepheshe. Ubani obengacabanga ukuthi idatha ehlola izindawo ingenza umsebenzi oncomeka kanje?

Umngani kaJoasia u-Adrian Stott uzamile ukumvikela ngesikhathi ethi uthathe indlela enqamulelayo.”

USihlalo we-Scottish Athletics uDavid Ovens uzwakalise ukuphoxeka kwakhe ngalesi simo futhi unethemba lokuthi kuzoba nencazelo ezwakalayo ngokwenzekile.

Phambilini, uJoasia Zakrzewski ube inxusa elikhulu lezemidlalo yase-Britain, kodwa lokhu kuzongcolisa igama lakhe.

Uwine umjaho wamahora angu-24 e-Australia ngo-2020 futhi wamela iqembu lase-Scotland kumsubathi owayezama ubuqili ngesikhathi bencintisana.

Asethembe ukuthi uzofunda isifundo futhi angeke aphinde azame ukugebenga umjaho wakhe olandelayo, noma mhlawumbe kumele simthengele imoto abe nomshayeli wakhe!

Isithombe esingenhla: UJoasia Zakrzewski

Umthombo wesithombe: @CapaMag

Izihloko zakamuva