U-Osaka uthembise ukunikela ngemali azoyithola kumqhudelwano ukusiza i-Haiti esale dengwane ekuzamazameni komhlaba

Dylan Bettencourt

Umdlali we-Tennis uNaomi Osaka ufisa ukunikela ngemali azoyithola e-Western&Southern open ukweseka izwe lase-Haiti esikhwameni abasakhe ngemuva kokuzamazama komhlaba.

Kungiphatha kabi ukubona isimo abadlula kusona e-Haiti kusho umpetha we-grand slam osewine amahlandla amane ophinde abe nobaba ohlala e-Haiti ebhala ku-Twitter.

U-Osaka uzonikela ngawo wonke umholo wakhe ukunciphisa lobu buhlungu ababhekene nakho.

E-Haiti kuzamazame umhlaba ngobukhulu obungu-7,2 ngoMgqibelo, kwashona abantu abangama-724 bese kuthi abangamakhulu balimele kakhulu.

Isizwe sama-Caribbean sinomlando omude wokuba nezinhlekelele zemvelo. Lokhu kuzamazama komhlaba kuwise amasonto, izikole, amahhotela kanye nemizi yabantu. 

U-Osaka oneminyaka engama-23 umele i-Japan lapho umawakhe azalelwa khona.

Uvame ukusebenzisa izinga lakhe ukuqwashisa ngezinkinga zomphakathi. Kwi-US Open ngowezi-2020, u-Osaka wayegqoke isifonyo esiveze izithombe zabantu abahlukunyezwa udlame lwamaphoyisa.

Umthombo wesithombe: @VanityFair

Izihloko zakamuva