Lubhalwe nguDylan Bettencourt
U-Andile Mpisane udlale okokuqala kuMbabane Highlanders ihlula iManzini Sea Birds ngo 2-0 eSwatini ngoMgqibelo.
IHighlanders iphethwe ngunina, uShauwn “MaMkhize” Mkhize, othathe izintambo ngoNtulikazi kuBheki “Rubber” Simelane owayengusihlalo.
U-Andile Mpisane usebuyele enkundleni kulokhu useSwatini.
Lo mdlali oneminyaka engu-24 ubudala udlale okokuqala kuMbabane Highlanders ngoMgqibelo lapho benqobe khona iManzini Sea Birds ngo 2-0. Ukunqoba bekungokokuqala kweqembu kwisizini entsha.
UMpisane ubegqoke ijezi elingunombolo 10 okuyinombolo abeyisebenzisa ngesikhathi ekwi-Royal AM.
Ngaphambi kokuthi ajoyine iHighlanders, uMpisane udlale imidlalo eyisishiyagalolunye ku-Royal AM kule sizini ngaphambi kokuthi iqembu lixoshwe ku-Premier Soccer League.
IHighlanders isiphethwe ngunina, ongusomabhizinisi kanye nesihlabani sikamabonakude uShauwn “MaMkhize” Mkhize, othathe izintambo ngoNtulikazi kowayengusihlalo uBheki “Rubber” Simelane.
Ukuthuthela kwakhe ebholeni laseSwatini kulandela ukuxoshwa kwe-Royal AM kwiligi yakuleli ngemuva kwezingxabano eziqhubekayo.
Osesithombeni esingenhla: U-Andile Mpisane.
Umthombo wesithombe: Ifayela