Lucky Sithole
Isihlabani sekhilikithi sase-Australia uShane Warne ubengenalo idumela lokuba umuntu olungile.
Ngabe simosha isikhathi uma kungathiwa sibheka okuthile ukuzama ukuguqula lo mdlali wekhilikithi ophosa ibhola abe into angakaze abe yiyo noma afuna ukuba yikho.
Lokho uShane Warne abeyikho, ubengomunye wompetha okuqhudelwana naye emlandweni wekhilikithi futhi mhlawumbe nayo yonke imidlalo. Ubengumpetha wangempela.
UWarne waqala kabi emdlalweni wekhilikithi wamazwe ngamazwe eneminyaka engu-22 ubudala ngonyaka ka-1992 kodwa ngonyaka olandelayo wayeseqala ekhombisa ikhono lakhe.
E-India, lapho abaphatha i-bat babenekhono kakhulu ekubhekaneni nabaphosa ibhola, wayesevele edlala ngendlela encomekayo, kodwa kwakuse-England naseNingizimu Afrika lapho enza khona ezibukwayo. Eminyakeni edlule wathatha amawikhethi angu-325 kwangu-708 kulawo mazwe womabili.
UWarne akakaze ahlulwe kuchungechunge lwemidlalo ebhekene neNingizimu Afrika, futhi wayesohlangothini oluphumelele izikhathi eziyisithupha kanye nemidlalo emibili eyaphela amaphuzu elingana.
Emdlalweni omuhle lapho iNingizimu Afrika eyanqoba ngama-runs amahlanu enkundleni yekhilikithi ebizwa nge-Sydney ngonyaka ka-1993 kanye nonyaka ka-1994 ngokuphosa ibhola kukaFanie de Villiers nama-innings esibili, uWarne wadelela ngendlela adlala ngayo ebhekene nabashayi be-bat baseNingizimu Afrika. Uthathe amawikhethi ayisikhombisa kwangu-56 kanye nayisihlanu kwangu-72, kube amawikhethi angu-12 esewonke kuma-runs angu-128, izibalo zakhe ezinhle kunazo zonke.
Eminyakeni emine kamuva endaweni efanayo, wathatha amawikhethi ayisihlanu kwangu-75 wathatha ayisithupha kwangu-34 bedlala neNingizimu Afrika, futhi uchungechunge lwemidlalo yokugcina edlala neNingizimu Afrika ngonyaka ka-2006 wathola ama-innings agcono kakhulu njengoba athola ayisithupha kwangu-86 eThekwini.
Akumangazi ukuthi uWarne ubengathandwa kahle eNingizimu Afrika.
Akagcinanga ngokululaza abantu baseNingizimu Afrika ngebhola, wayebuye abathuke. U-Andrew Hudson wayeyisibonelo futhi noDarryl Cullinan wathola idumela lokuba “unogwaja kaShane Warne”. Ngesikhathi uCullinan eya kudokotela wezengqondo, uWarne wathi uyena oyise lomdlali we-bat kudokotela. Ukweyisa kwakhe okunonya uPaul “Gogga” Adams akusoze kwathethelelwa.
Njengoba wayengaziphethe kahle enkundleni yekhilikithi, kanjalo nasempilweni yakhe yangasese.
Emzameni yakhe yokubuyisa isithunzi sakhe ngenhlangano i-Warne Foundation, yashabalala ngesikhathi imenza aphelelwe imali. Ngonyaka ka-2000 walahlekelwa isikhundla sakhe sokuba iphini likakaputeni wase-Australia ngesikhathi kuvela ngephutha umyalezo ongemuhle ayewuthumela kumhlengikazi wase-England.
Wayeshadile ngaleso sikhathi. Waxabana nabafana abasebancane abamthwebula ebhema ngesikhathi ethola uxhaso enkampanini eyenza i-nicotine patch.
Ngonyaka ka-2007 uWarne nonkosikazi wakhe wakudala kwabikwa ukuthi sebebuyelene, kodwa wamshiya ngemuva kokuthi emthumelele umlayezo wombhalo owawuhloselwe omunye wesifazane.
Kodwa ukuxabana kwakhe nomlingisi u-Elizabeth Hurley kwafinyelela esiphethweni esinesivunguvungu ngonyaka ka-2013.
Kodwa lokho akumelwe akhunjulwe ngakho. Izibalo zikhombisa ukuthi ubengomunye wabashwibi bebhola lekhilikithi abaphumelele kakhulu emlandweni wezemidlalo, kodwa okungeke kufaniswe nomoya wakhe wokunqoba.
Ungamenzi umuntu onezenzo ezinhle; kodwa mkhumbule ngalokho abeyikho, njengo mnqobi.
Umthombo wesithombe: @TheNewYorkTimes
.
