Dylan Bettencourt
Isivakashi sase-Indonesia sihlawuliswe u-R33,000 ngokufika e-Australia nama-McMuffin amabili kanye ne-ham croissant emgodleni waso.
Isidlo sakwa-McDonald esigcine sidle isivakashi izizumbulu zemali sitholwe inja ehogelayo esikhumulweni sezindiza i-Darwin kuqinisekisa izikhulu.
“Lokhu kuzoba ukudla okumba eqolo kwase-Maccas lesi sivakashi eseke sakudla,” kusho uNgqongqoshe wezolimo wase-Australia uMurray Watt.
Inhlawulo enikezwa isivakashi ingakhokhela amasoseji angu-567 kanye namaqanda, ama-McMuffins e-Sydney noma ama-Big Mac burger angaphezu kuka-1,000 kuleli.
I-Australia isebenzisa umthetho we-hyper-stringent biosecurity emzamweni wokuvikela imboni yezolimo yezwe ezinambuzaneni nasezifweni ezivela kwamanye amazwe.
Iziphathimandla zihlale ziqaphile ngenxa yokuqubuka kwesifo se-Foot and mouth disease esivela e-Indonesia.
Isifo i-Foot and mouth disease asiyona ingozi enkulu empilweni yabantu kodwa siyingozi enkulu kwimfuyo.
Yonke inyama ethengwayo evela ezweni kufanele icutshungulwe ngaphambi kokuba ivunyelwe ukungena e-Australia.
Akukacaci ukuthi kungani isivakashi sizame ukushushumbisa ukudla kwase-McDonald’s e-Australia.
Abasebenzi basesikhumulweni sezindiza nabo abazi ukuthi ukudla kugcinephi.
Umthombo wesithombe: @LiveStrong