Sekunendlela entsha ebizwa nge-MoyaPayD yokuthumelela imali kumuntu

Sizwe Sibiya noArthur Greene

INingizimu Afrika ingemuva kakhulu emazweni amaningi ase-Afrika uma kukhulunywa ngezinkundla zokukhokha ngomakhalekhukhwini.

Ngokwesibonelo, e-Kenya, isikhwama semali namakhadi asebhange kuyinto abangayinaki kwakuyinaka, njengoba besebenzisa i-Mobile money abayisebenzisa ukukhokhela yonke into – kusukela kuphethiloli, kuya ekukhokheni imali yesikole.

Akumangazi ukuthi kunoshintsho olwenzekayo eNingizimu Afrika.

Kunohlelo oluhle lokubeka imali ebhange, kodwa luyabiza.

Izindleko zamabhange izona eziphezulu emhlabeni wonke.

Futhi kunzima ukuvula i-akhawunti, noma ngabe unamaphepha afanele.

Kulula kakhulu ukusheshisa ikusasa, ukweqa izindleko zasebhange, nokusebenzisa umakhalekhukhwini wakho.

Sekukhona amabhange angomahamba nendlwana eNingizimu Afrika abizwa nge-MoyaPayD, aqhamuka kwa-Moya, futhi ethulwe ngonyaka odlule.

Ayandiswa ukuze azosetshenziswa ngisho osomabhizinisi, ukuze ukwazi ukusebenzisa i-MoyaPayD. Kanti kulula kufana nayo yonke enye into eku-Moya esetshenziswa ngaphandle kwedatha.

Ukubhalisela i-MoyaPayD kulula kakhulu; udinga umazisi wakho osemthethweni waseNingizimu Afrika, noma iphasiphothi esemthethweni. Uma usuthumele yonke iminingwane yakho ephelele, uzobe usukwazi ukusebenza i-account yakho.

UMoya waqala njengohlelo lwezinkundla zokuxhumana lokuthumela imiyalezo olufana no-WhatsApp, futhi lwakhula lwaba uhlelo lokusebenza oluhle kakhulu olunamakhasi ezemidlalo, izindaba okuhlanganisa (i-Scrolla.Africa) kanye nemakethe.

Umsunguli we-Moya, uGour Lentell, ubiza i-MoyaPayD ngokuthi “isikhwama semali sikamakhalekhukhwini esingadingi i-akhawunti yasebhange ukuze isetshenziswe.

Uhlelo lokusebenza lusebenzisa amakhodi e-QR ukudlulisa izimali, uyathumela noma uyayamukela kwi-akhawunti yasebhange. Konke kwenzeka ngaphandle kokusebenzisa idatha.

Lokhu kusho ukuthi ngisho unogada wemoto nanoma yimuphi umuntu angangena ku-MoyaPayD athole ikhodi ye-QR ukuze athole ithiphu. Ungathola nekhadi elikhokhelwa ngaphambili le-MoyaPayD Mastercard Debit.

Izinkampani ezincane zingayisebenzisa ekukhokheleni abasebenzi. “Uma unebhizinisi elincane eNingizimu Afrika, noma ungumdayisi wasemgwaqeni noma yiluphi uhlobo lwebhizinisi, ungathola i-MoyaPayD futhi ungene kwezamabhizinisi ngokushesha,” kusho uLentell.

ULentell yena akanayo i-akhawunti yasebhange eNingizimu Afrika, futhi usebenzisa i-MoyaPayD kanye nekhadi lakhe elikhokhelwayo.

“Ngokwami ngiphila ngekhadi. 

I-MoyaPayD kanye naleli khadi yimpilo yami eNingizimu Afrika. Anginayo i-akhawunti yasebhange njengoba kunzima kakhulu ukuyithola, ingakho ngiphila nge-MoyaPayD,” kusho uLentell. 

“Ngiwufakazi wokuthi iyangisebenzela i-MoyaPayD!”

Njengoba uLentell eshilo ukuthi iyakwazi,    ukusetshenziswa ngaphandle kwedata futhi imahhala kuzo zonke izimali ezihambisana nokuba ne-akhawunti yasebhange yaseNingizimu Afrika.

“Azikho izindleko zokuhlala, azikho izindleko ze-akhawunti zanyanga zonke, futhi azikho izindleko zokuthatha imali yakho, futhi lokhu kuhluke kakhulu kunamabhange aseNingizimu afrika amba eqolo.”

Ukubhalisela i-MoyaPayD kuqondile; udinga umazisi waseNingizimu Afrika ovumelekile.

Uma lokho sekuqinisekisiwe, usulungele ukusebenzisa i-MoyaPayD.

Okumele nikwazi: i-Scrolla.Africa isebenzisana no-Moya, futhi isebenzisa i-MoyaPayD ukukhokhela abawinile kwimncintiswano yabo. 

Izihloko zakamuva