Arthur Greene
Sekunegciwane elisha le-Covid-19 eliqanjwe igama elithi i-C.1.2 futhi seligcwele kuzo zonke izifundazwe zaseNingizimu-Afrika.
Isikhungo sikazwelonke esibhekela izifo ezithathelanayo eNingizimu-Afrika sesikhiphe isixwayiso ngegciwane elibizwa nge-C.1.2 lineage ngoMsombuluko, kodwa isikhungo sithe leli gciwane lisabalala ngezinga eliphansi.
Igciwane elibizwa nge-C.1.2 laqala ukutholakala eMpumalanga nase-Gauteng ngoNhlaba, ngesikhathi isizwe sithola ukuthi i-Covid-19 isibuya ngesigaba sesithathu.
NgoNhlangulana yayisifike KwaZulu-Natali naseLimpopo laphinde lavela eMelika nase-China.
Seliphinde ladlulela emazweni ayisithupha.
Kodwa i-C.1.2 okwamanje akuyona into okumele sikhathazeke ngayo kusho i-WHO, kusenziwa ucwaningo nezindlela ukuze sithole ubungozi balo nokuthi lidlula kanjani liye komunye umuntu kanye nemigomo engakwazi ukunqanda leli gciwane
Isikhungo sikazwelonke esibhekelela izifo ezithathelanayo sikhiphe isixwayiso ngoba i-C.1.2 iphethe ukuguquka kwezakhi zofuzo iphinde ibonakale engathi ihlukile, njenge-Delta esiphenduke yavela ngokuhlukile yaletha ukukhathazeka okukhulu.
Isikhungo sithe “Siyigade ngeso lokhozi imiphumela, ngesikhathi sisacwaninga leli gciwane sisafuna ukuqonda nomsuka walo”.
Iphini lomqondisi-jikelele womyango wezempilo u-Anban Pillay utshele i-Daily Maverick ukuthi “ososayensi babheka umthelela owenziwa umgomo kuhlu lozalo. Silindele imiphumela ukuthi ibe isikhona emasontweni azayo”
Umthombo wesithombe: @_driver8