Sekumiswe omunye umsakazi ngokudansa phezu kwetafula emsakazweni

Dylan Bettencourt

Sekuphinde kwamiswa omunye umethuli wezinhlelo kwa-SABC ngenxa yokudansa ephezu kwetafula ezitudiyo zokusakaza zalenhlangano esakaza ngomoya.

UPutco Mafani, ongumsakazi odumile kuMhlobo Wenene FM, umisiwe kulo msakazo kulandela imigilingwane ayenzile.

Ukumiswa kwakhe kuza ngemuva kwezinsuku ezimbalwa kumiswe umsakazi we-Metro FM uDineo Ranaka ngenxa yokudansa phezu kwefenisha ezitudiyo ezise-Auckland Park.

URanaka ubedansela u-Umlando challenge, okuwumdanso osabalele kakhulu owenziwa ngabantu abaningi lapho abantu bedansela ezindaweni ezihlukene naphezu kwezinto ezimbalwa ezihlukene, njengamatafula nezihlalo.

Kodwa uMafani oneminyaka engu-58 ubengenzi umdanso woMlando challenge.

Le vidiyo ikhombisa umethuli wezinhlelo edansela ingoma yama-piano ethi-“Nkao Tempela”.

NgeSonto i-SABC iveze ukuthi uMafani “umisiwe kuMhlobo Wenene,”

Isikhulu sakwa-SABC esibhekelele izindaba zezinkampani nokumaketha uGugu Ntuli ukuqinisekisile ukuthi bayazi ngale vidiyo.

“I-SABC iyayazi le vidiyo futhi okwamanje, uMnu Putco Mafani ukhishiwe ezinhlelweni zomsakazo woMhlobo Wenene FM,” kusho uNtuli.

“Ngokomthetho, inkampani ayivumelekile ukuxoxa ngezindaba ze-HR eziphathelene nosonkontileka abazimele emphakathini.”

Umthombo wesithombe: @SowetanLIVE

Scrolla World Cup Quiz