Lubhalwe ngu-Everson Luhanga
Owesilisa oboshelwe ukutholakala neveni okusolakala ukuthi iduniwe uzibulele ngaphakathi emotweni yamaphoyisa kamasipala ngaphandle kwesiteshi samaphoyisa e-Kempton Park ngoLwesibili ekuseni.
Amaphoyisa kamasipala wase-Ekurhuleni amise imoto yohlobo lwe-NP300 Nissan okubikwa ukuthi yebiwe. Imoto ibidunwe endaweni yamaphoyisa e-Kempton Park.
Umshayeli uboshiwe wafakwa evenini. Ngesikhathi iveni isondela esiteshini samaphoyisa, ngaphambi nje kokuba ingene esangweni lemoto elilawulwayo, umsolwa uvele wazibulala. Ushonele evenini ngokusho komthombo obusendaweni yesigameko.
Okhulumela amaphoyisa kamasipala wase-Ekurhuleni uThabiso Makgato uthe owesilisa (32) uzibulele ngaphandle kwesiteshi samaphoyisa e-Kempton Park.
“I-Independent Police Investigative Directorate ibizelwe endaweni yesigameko yathatha indawo yesigameko. Uphenyo lusaqalwa esigabeni sokuqala,” esho.
Esithombeni esingenhla: Indoda esemotweni yamaphoyisa ngaphambi kokuba izidubule.
Umthombo wesithombe: Sithunyelwe