Lubhalwe nguBuziwe Nocuze
Owesilisa osemncane obebonakala edidekile emqondweni ezihambela sakudavuza emgwaqeni waseKapa ubanjwe nezidakamizwa ngesikhathi amaphoyisa ethole isikhwama sakhe sigcwele izidakamizwa ezingekho emthethweni ezibalelwa kwinani lika-R306,000.
Amaphoyisa athole izidakamizwa ezibalelwa ku-R306,000 ngemuva kokumisa indoda ebihamba eceleni komgwaqo u-R27 eduze neKapa.
Le ndoda eneminyaka engu-23 ibiphethe i-cocaine, umthunzi wezinkukhu, i-ecstasy, i-tik, kanye nemithi ekhishwa ngokugunyazwa ngencwadi kadokotela nfesikhathi iboshwa.
Amaphoyisa abophe le ndoda edidekile ebehamba eceleni komgwaqo u-R27 eduze nesiphehli sikagesi senuzi sase -Koeberg iphethe isikhwama esigcwele izidakamizwa ezibalelwa ku-R306,000.
Le ndoda eneminyaka engu-23 indonse amehlo ezikhulu zaseKapa Law Enforcement ngoba ibibonakala idukile futhi ididekile.
Okhulumela amaphoyisa ase-Western Cape, uFrederick Van Wyk, uthe babize i-ambulensi kanye namaphoyisa ase-Melkbosstrand ukuze asize.
“Ngesikhathi sifika, sithole lo muntu ephethe isikhwama esimnyama kanye nebhakede elimnyama. Amaphoyisa amfake imibuzo futhi babona ukuthi lo muntu ubedidekile. Ngemuva kokumhlola, bathola ama-magic mushrooms okuyizidakamizwa kanye nomthunzi and ezinkukhu,” kusho uVan Wyk.
Amaphoyisa athole ezinye izidakamizwa esikhwameni sakhe, okubalwa kuzo imithi ekhishwa ngencwadi egunyazwe udokotela, i-tik, kanye ne-cocaine.
“Umsolwa ubuyiselwe emotweni yakhe ebiphelelwe uphethiloli ku-R27. Ngemuva kwalokho waboshwa wayiswa kwikamu lamaphoyisa e-Melkbosstrand.
“Kutholakale i-cocaine elinganiselwa ku-192 grams, umthunzi wezinkukhu ongu-1,458 grams, amaphilisi e-Ecstasy angu-336, i-meth engu-108 grams, kanye nemithi egunyazwa ngencwadi kadokotela efana ne-Oxynorm, i-Tramadol, i-Serdep, kanye ne-Ketamine,” kusho uVan Wyk.
Izidakamizwa ezitholakele zibalelwa kwinani lika-R306,000, futhi amaphoyisa athole namanye amaphilisi angakahlonzwa.
“Selivuliwe icala lokutholakala nezidakamizwa ezingekho emthethweni, umthunzi wezinkukhu, kanye nemithi egunyazwa ngencwadi kadokotela. Le ndoda eneminyaka engu-23 izovela eNkantolo yeMantshi yase-Atlantis ngezinsolo ezibikiwe,” kusho uVan Wyk.
Khona manjalo kwesinye isehlo uphenyo lwamaphoyisa luholele ekutheni kuboshwe omunye umuntu e-Paarl.
Amaphoyisa ase-Boland abheken ukulwa nezibhelu kanye nawezobunhloli akhona e-Paarl agasele indlu esendaweni yase-Mbekweni, Paarl.
Bathole amaphilisi e-mandrax angu-8,500, i-tik engu-313.14 grams, i-cocaine engu-16.37 grams, kanye nomthunzi wezinkukhu ongaphezu kuka-1kg.
Kuboshwe indoda eneminyaka engu-44 ngezinsolo zokuhweba ngezidakamizwa.
Esithombeni esingenhla: Amaphoyisa abophe umsolwa obedidekile ehamba ku-R20 edlula eKoeberg Power Station.
Umthombo wesithombe:SAPS