Dylan Bettencourt
Kuqopheke umlando ngesikhathi owesifazane wakuleli eqwala izintaba ezimbili ngosuku olulodwa i-Mount Everest ne-Mount Lhotse.
Umqwali wezintaba odumile uRemy Kloos uthe lesi isinyathelo angasoze asikhohlwa.
“Ngibone inyanga ishona e-Nepal nelanga liphuma phezu kwe-Tibet,” kusho uKloos obe ngowokuqala wesifazane ukuqwala i-Mount Lhotse ngemuva kokuqwala i-Mount Everest.
“Futhi ngenkathi ngiqwala i-Mount Lhotse ngibone ukuphuma kwelanga kukhanyisa i-Mount Everest.”
Uthe ubonga kakhulu ngokuthi isimo sezulu simvumele wakwazi ukubona ukufiphala kwenyanga enkulu.
Lona wesifazane waseKapa ube ngowokuqala wakuleli ukuqwala lezi zintaba ezimbili.
Yonke into isazwakala njengephupho. Ngiqwale i-Mount Everest ngomhlaka-15 kuNhlaba ngase ngiqwala i-Mount Lhotse ngomhlaka-16 kuNhlaba. Izimo bezizinhle kakhulu,” ebhala ku-Instagram.
“Ngibe ngomunye wabantu bokuqala ukuqwala i-Mount Everest ngabo-5.30 ekuseni ngachitha imizuzu engu-45 phezulu. Bengishiselwa ukudlula ukugodola ebengikuzwa ngesikhathi ngisakhuphuka,” kusho uKloos, onguchwepheshe wezempilo.
“Eqenjini lami nakubafowethu bakwaSherpa, ngiyabonga ngokuhleka, imidanso, ukwanga kanye nohambo olumangalisayo.”
Umthombo wesithombe: @HikingSouthAfrica