Owekhilikithi usezoyikha ngamafosholo

Dylan Bettencourt

UKagiso Rabada usezitholele imali eshisiwe engu-R18,6 Million eqenjini i-Punjab Kings.

Lokho kusho ukuthi lo mdlali oshwiba ibhola oneminyaka engu-26 ubudala uzohola u-R45,600 sonke isikhathi uma eshwiba ibhola ngesikhathi se-Indian Premier League (IPL).

URabada ubengumdlali waseNingizimu Afrika obiza kakhulu endalini ye-IPL ngempelasonto.

Ukuphatha umsebenzi, ukulimala kanye nomsebenzi wamazwe ngamazwe izinto ezinkulu ezithinta indlela ahola ngayo kodwa ukuhlelwa kweholo leligi kusho ukuthi umdlali wama-Protea uzozuza inani eliphelele lendali kulo nyaka.

Uma uRabada edlala kuyona yonke imidlalo engu-17 ye-IPL kule sizini uzohola u-R45,600 ngokudlala kwakhe, futhi leyo mali izonyuka uma i-Punjab Kings ihluleka ukungena kuma-play-offs.

Ukudlala phesheya kweqembu lekhilikithi laseNingizimu Afrika kungaholela ekutheni  inani lebhola ngalinye likhuphuke kakhulu njengoba engase aphuthelwe imidlalo emithathu ngenxa yochungechunge oluzayo lwama-Proteas.

Ama-Proteas kufanele abhekane ne-Bangladesh kusukela ngomhlaka-18 kuNdasa kuze kube umhlaka-12 kuMbasa lapho izobhekana khona ne-IPL.

Iqembu lakhe elisha i-Punjab Kings lizothemba ukuthi i-Cricket South Africa (CSA) izomvumela uRabada ukuthi aphuthelwe eminye imidlalo yamazwe ngamazwe; uma ezohlala nama-Proteas kuchungechunge lwemidlalo yonke, angase aphuthelwe ingxenye yemidlalo ye-IPL.

Ukuphuthelwa imidlalo eminingi kuzokwenza ukuthi intengo yakhe yebhola inyuke ifinyelele cishe ku-R70,000.

Owayengumdlali wama-Proteas uFaf du Plessis ube ngowesibili eNingizimu Afrika obiza kakhulu kwi-Auction ngesikhathi esayiniswa ngo-R14 million i-Royal Challengers Bangalore.

UDu Plessis angase ahlomule imali elinganiselwa ku-R1 million ngaso sonke isikhathi uma eshaya imidlalo ye-round robin Fixtures.

I-IPL kulindeleke ukuthi iqale ngomhlaka-2 kuNdasa bese iphothulwa ngemuva kwezinyanga ezintathu ngomhlaka-3 kuNhlangulana embukisweni wezinyanga ezintathu wekhilikithi esheshayo ye-T20.

Umthombo wesithombe: @KagisoRabada25

Izihloko zakamuva