Iqembu lebhola likanobhutshuzwayo iGreenock Morton lixoshe owayengumgadli we-Arsenal uJay Emmanuel-Thomas ngemuva kokuthweswa icala lokungenisa izidakamizwa.
La macala avele ngemuva kokuthi kushaqwe insangu engabiza u-£600,000 (imali elinganiselwa ku-R14-million) e-Stansted Airport e-London.
I-National Crime Agency ibophe umsolwa oneminyaka engu-33 ubudala ngokubambisana namaphoyisa ase-Scotland.
Usolwa ngokuhlela ukushushumbiswa kwensangu engu-60kg, etholwe kwi-suitcase endizeni isuka e-Bangkok.
“Inkontileka kaJay Emmanuel-Thomas inqanyulwe ngokushesha,” kubhala i-Greenock Morton kodwa ayizange inikeze eminye imininingwane.
Enkantolo, u-Emmanuel-Thomas akazange asifake isicelo sakhe, kodwa ummeli wakhe uthe uyaphika ukuthi uyabandakanyeka emkhankasweni wokushushumbisa izidakamizwa.
Lowo owayengumdlali we-Arsenal kanye ne-Bristol City uzobhekana necala ngomhlaka-18 kuMfumfu e-Carlisle Crown Court.
Abashushisi baveze ukuthi kuboshwe abesifazane ababili abebesuka e-Bangkok bephethe ama-suitcase amane abephethe insangu.
U-Emmanuel-Thomas wake waba nethalente elithembisayo elidunyiswa ngu-Arsène Wenger.
Esithombeni esingenhla: UJay Emmanuel-Thomas.
Umthombo: X