Farida Joyce
Izingoma ezintathu kweziyishumi eziqokwe kwi-Record and Music Video of the Year kuma-South African Music Awards (Samas) ezikaKabza De Small.
Lokhu kushiwo ama-Samas ezinkundleni zokuxhumana ngoLwesibili.
Izingoma zikaKabza De Small eziqokiwe kubalwa ethi-Asibe Happy, i-Abele nekaYoung Stunna ethi-Adiwele.
Ezinye izingoma eziqokwe kulo mkhakha ingoma kaZakes Bantwini ethi-Osama, ekaNomfundo Mo ethi Phakade Lam”, i-Banyana kaDJ Maphorisa noTyler ICU, ekaMusa Keys ethi Vula Mlomo”, i-Black and White kaNasty C, ekaMatthew Mole ethi-i’m With You”, kanye nethi-Umsebenzi Wethu kaBusta 99.
Abaculi namavidiyo aqokwe kwi-Music Video of the Year uDj Zinhle, ingoma kaDj Thackzin ethi Yini Sdakwa, i-Summer Yo Muthi yeBlack Diamond, i-Ghanama kaMakhadzi, Liyoshona ka Kwiish SA, iPhade Lam kaNomfundo Mo, ethi Nkulukulu kaKamo Mphela, i-Mmapula kaBusta 929 noJola kaDe Mthuda.
Kukhona nomunxa i-Lifetime Achievement Award ne-International Achievement Award.
Abaculi abathathu bodumo uJoe Nina, McCoy Mrubata, noJimmy Dludlu babanga i-Lifetime Achievement Award, uBlack Coffee angase athole indondo ye-International Achievement Award.
Ama-Samas azohlonishwa ngendondo enkulu emculweni emikhakheni engaphezu kuka-30 e-Sun City ngomhlaka-28 kuNcwaba.