Dylan Bettencourt
URafael Nadal ongumpetha wethenisi uhlule uCasper Rudd ukuze athole isicoco sakhe se-14th French Open.
Lo mdlali wase-Spain uvame ukuchazwa njengenkosi yethenisi futhi ukubonisile lokho ngeSonto ntambama ngesikhathi ewina i-Grand Slam yesibili yonyaka ngamaphuzu amakhulu.
UNadal ubehamba phambili ngo 6-3, 6-3. 6-0 okumenze wawina isicoco.
Lo mdlali oneminyaka engu-36 ubudala welule irekhodi lakhe le-Grand Slam njengoba esenemidlalo engu-22 ayinqobile. Uhamba phambili ngemidlalo emibili okudlula uNovak Djokovic noRoger Federer.
UNadal uphinde waligcina irekhodi njengoba engakaze ahlulwe kowamanqamu we-French Open.
Uphinde wavelela ngokuba ngumpetha wabesilisa omdala kunabo bonke kulo mqhudelwano.
Ngemibiko namahemuhemu okuthi lo mhlawumbe umdlalo wakhe wokugcina uNadal edlala kwi-French Open ubenenhloso ngesinyathelo sakhe kusukela ekuqaleni.
Imbangi yakhe uRuud ungene kowamanqamu engowesishiyagalombili kulo mqhudelwano wakhombisa ukudlala ngokuzimisela, kodwa uhlulwe khona kunjalo.
Lo mdlali wase-Norwegian ungomunye wabadlali abashesha kakhulu futhi onamandla, kodwa uNadal udlale ngokukhalipha futhi wasebenzisa i-backhand ukwenza uRuud buthaka.
Kusukela sebedlala isethi yesibili kuya phambili, bekubukeka sengathi uNadal uzophuma e-Paris njengowinile.
URuud akazange alithole ithuba lokudlala ngendlela ayifisayo futhi akakwazanga nokwenza izitayela adume ngazo ngenxa yokuthi uNadal ubedlala ngokukhalipha.
Isethi yamanqamu idalule ukuhlulwa kukaRuud owehlele ohlangothini lwe-bagel yesi-21 kumdlalo wamanqamu we-French Open lapho umdlali ewina yonke imidlalo eyisithupha yesethi.
UNadal njengoba kunemibiko yokuthi ucabanga ukuthatha umhlalaphansi, kodwa ukukhombisile ukuba umpetha wethenisi.
Manje usewine izicoco ezimbili ze-Grand Slams yalo nyaka ngemuva kokuthatha isicoco se-Australian Open ngoMasingana.
Ukulimala onyaweni okungapheli kungase kuphoqe uNadal ukuthi athathe umhlala phansi, kodwa lo mphumela uqinise ifa lakhe njengomunye wabadlali bethenisi abakhulu kunabo bonke abake baba khona.
I-Grand Slam elandelayo i-Wimbledon ezoqala ekupheleni kukaNhlangulana.
Umthombo wesithombe: @QueensTennis
.
