Lubhalwe nguRorisang Modiba
Umculi waseNingizimu Afrika uMakhadzi waseLimpopo usedalule ukuthi waboleka imali ukuze abe kuma-BET Awards aminyaka yonke e-Los Angeles.
UMakhadzi ogama lakhe langempela uNdivhudzannyi Ralivhona uwine indondo ye-Viewer’s Choice: Best New International Act.
Engxoxweni yakhe nePodcast and Chill, uMakhadzi uthe udinga imali ebolekisayo ukuze akwazi ukubhekana nezindleko zakhe zokuhamba.
“Ukuze ngihambe, kufanele ngiye komashonisa. Kufanele ithimba lami lingiboleke imali ukuze ngikwazi ukubamba ngoba kufanele ngibe lapho engisuke ngibizwe khona. Ngoba ngikholelwa kimina nasemsebenzini wami.”
Phambilini kwabikwa ukuthi uMakhadzi ukweleta iSouth African Revenue Service (SARS) u-R6.6-million, i-tax consultant yasiza ukwehlisa imali yaba ngu-R2.7 million.
UMakhadzi ukuqinisekisile ukuthi usebenzela ukukhokha lesi sikweletu, esivame ukumshiya engenamali, kubika i TimesLive.
“Kuningi engibhekana nakho, akusiyo imfihlo. Yonke imali engiyithola nyanga zonke ngiyikhokhela abakwaSARS ngakho ngigcina ngingenayo imali yami,” kusho yena. Umculi waseNingizimu Afrika owine i-Grammy Award, uTyla uwine indondo ye-Best New Artist neye-Best International Act.
“Ngifuna ukunikezela le ndondo kuzo zonke izihlabani zase-Afrika eziphambi kwami.
Imiklomelo yama-BET, eyasungulwa ngo-2001 i-Black Entertainment Television e-US, kusukwe kubungazwa futhi kuhlonishwa abantu abamnyama nabangaveli kahle embonini yezokungcebeleka.
Isithombe esingenhla: Makhadzi.
Umthombo: X