Everson Luhanga
Uphiko loKlebe Oluphenya ngobugebengu obuhleliwe e-Germiston kanye noMnyango Wezasekhaya, baphume umkhankaso wokulwa nokufakwa kwabaphuma emazweni angaphandle kuleli ngokungemthetho.
NgoLwesine odabuka e-Pakistan, unkosikazi wakhe, izikhulu ezimbili zoMnyango wezaseKhaya, nabanye abangu-26 baboshwe ngemuva kokuthi kugaselwe emahhovisi omnyango e-Krugersdorp.
Abasolwa babhekene namacala okukhwabanisa, inkohlakalo, ukwephula i-Immigration Act, nokutholakala nezincwadi zomgunyathi.
NgoLwesithathu oKlebe babophe isikhulu sabaphuma emazweni angaphandle (36) e-OR Tambo international ngokwephula i-Immigration Act ngesikhathi kunomkhankaso onzima.
Umphathi kaZwelonke kwi-Directorate for Priority Crime Investigation, uLieutenant General Godfrey Lebeya uthe umsolwa ukhokhise izivakashi imali eningi ukuze zinikezwe imvume yokungena eNingizimu Afrika ngokungemthetho.
Ithimba labaphenyi kanye nophiko loMnyango Wezasekhaya Lokulwa Nenkohlakalo bathole ubufakazi obubambekayo obubhekene nabenzi bobubi.
NgoLwesithathu uNgqongqoshe Wezasekhaya, u-Aaron Motsoaledi kanye nabaphathi boKlebe badlulele esikhumulweni sezindiza lapho okuthiwa abasolwa bavumele abantu abahlanu base-Bangladesh ukuthi bangene kuleli.
Laba abahlanu base-Bangladesh babuyiselwe ezweni labo ngoba bebengenazo izincwadi zokuhamba ezisemthethweni.
Umsolwa, uPone Simon Dithipe, uvele eNkantolo yeMantshi yase-Park ngoLwesine wanikezwa ibheyili ka-R2000.
.
