Lubhalwe nguCelani Sikhakhane
ObeyiMeya kaMasipala wakwaNongoma uMnuz Albert Mncwango useqokelwe ukuhola ikomidi lezokuBuyiswa koMhlaba NokuThuthukiswa kweziNdawo zaseMakhaya.
UMncwango uqokwe ngoLwesine emhlanganweni wasePhalamende ukuba alawule leli komidi njengengxenye kaHulumeni woBumbano kuZwelonke.
Lo mholi oyilungu le-Inkatha Freedom Party ongumakadebona kwezombusazwe uke waba yimeya yakwaNongoma from 2017 to 2023.
Leli komiti asewusihlalo walo lingaphansi koMnyango kuNgqongqoshe uMzwanele Nyhontso obuye abengumholi we-PAC.
Ngaphandle kwalokho iPhalamende liqoke abaholi abehlukene ukuhola amakomidi azoqapha ukusebenza kweMinyango kaHulumeni.
UMncwango uke wahola ikomidi lezokuVikela ePhalamende ngesikhathi sikaMengameli uThabo Mbeki.
Uphume ePhalamende esezoba imeya yakwaNongoma nokuyisikhundla ahlale kuso kwaze kwaba ukhishwa inhlanganisela yamakhansela kaKhongolose, nawe-NFP nawe-EFF ngo-2023.