Lungani Zungu
Umholi we-EFF uJulius Malema useyekile ekuculeni iculo elithi-Kill the Boer, wasabisa ngokubulala ilungu le-Pan-African Parliament (PAP) kuleli sonto.
Kuqubuke isiphithiphithi ngemuva kokuthi uMalema eshintshisane ngenhlamba nelungu le-PAP ngesikhathi kunomhlangano e-Midrand, eGoli.
UMalema uzwakale ethi, “Ngizokubulala uma sesingaphandle. Awungazi kahle.”
Ngaphambi kokusongela, uMalema utshele leli lungu ukuthi lingabangi umsindo.
Akucaci ukuthi yini edale ingxabano.
USotswebhu we-ANC uPemmy Majodina, naye oyilungu le-PAP, ubephakathi kwabantu ababonakale bezama ukwehlisa umoya kuMalema.
Umhlangano we-PAP uhlehlisiwe ngoLwesine ngenxa yotholakale ene-Covid-19.
I-PAP yakhiwe yizishayamthetho ezivela ezifundeni ezahlukahlukene zase-Afrika.