Ngekeliphumelele ivoti lokungamethembi uRamaphosa

Noma yimuphi umzamo wokususa uMengameli uCyril Ramaphosa ngevoti lokungamethembi ephalamende kuzodingeka ukuba ledlule kusotswebhu we-ANC uPemmy Majodina.

Ukuyala kwakhe amalungu ePhalamende angaphezu kwangama-220 ePhalamende Likazwelonke lezihlalo ezingama-400 kumenza abe ngumlingani osabekayo empini engaphakathi kwi-ANC.

Okwamanje kuqondakala ukuthi ulisekela kakhulu iqembu likaRamaphosa nePhini likaMengameli uDavid Mabuza.

Lesi siphakamiso ebesizobhungwa ePhalamende ngesonto elizayo, silethwe nguMengameli we-African Transformation Movement (ATM) uVuyolwethu Zungula.

Utshele abezindaba ngobuthakathaka berandi, ukwehliswa kwemali mboleko  kanye nokuntuleka kwemisebenzi okuqhubekayo kuyizimpawu zokuthi uRamaphosa uhlulekile.

Ukuze kuphumelele, inqwaba yamalungu e-ANC ePhalamende azodinga ukuba  ajikele uRamaphosa  ngokuthi avote namaqembu aphikisayo.

I-ATM inethemba lokuthi umbango weqembu elibusayo uzohlukanisa amalungu ePhalamende e-ANC phakathi kwalabo abeseka uRamaphosa nalabo abeseka iqembu eliholwa nguJacob Zuma.

Lokhu  akubukeki kuzophumelela njengoba i-ANC phambilini yenze okuthile ngokumelene namaLungu ePhalamende enqaba ukuthatha uhlangothi lolunye iqembu.

NgoNtulikazi kowezi-2017, ngemuva kokuba lowo owayeyilungu lePhalamende uMondli Gungubele wahola umkhankaso womphakathi wamalungu e-ANC ukuthi asekele isiphakamiso sokungamethembi uZuma, iqembu lehlela kuye njengethani lezitini.