Sizwe Sibiya
USomizi Mhlongo waxoshwa kuma-Idols SA ngendlela abantu ababengayilindele nyakanye ngemuva kokuthi umnyeni wakhe ababengasaboni ngaso linye naye, uMohale Motaung embukanise nezwe.
UMhlongo kubikwa ukuthi usezobuya njengejaji lomncintiswano wokucula ozoqala ukusingatha ukuhlolwa kwamakhono abantu abakwazi ukucula ngeSonto.
Okhulumela ama-Idols SA uLucky Mangena akakwazanga ukuqinisekisa ukubuya kukaSomizi ohlelweni, kodwa uluqinisekisile usuku lokuqala lokuhlolwa kwamakhono abantu abakwazi ukucula ku-Season 18 yalolu hlelo etshela i-City Press.
USomizi kumanje umatasatasa nokushutha isizini ezayo yesihlanu ohlelweni lwakhe lukamabonakude olumnandi oluthi-Living The Dream With Somizi.
Kubikwa ukuthi uSomizi uzongena endaweni ka-Unathi Nkayi kuma-Idols SA. UNkayi walahlekelwa umsebenzi wokusakaza kwi-Kaya FM, kulandela ingxabano eshubile phakathi kwakhe nomsakazi uSizwe Dhlomo ngoLwezi nyakenye.
USomizi kubikwa ukuthi uzobuyela kulolu hlelo ukuze luphinde luthandwe futhi, kulandela ukulahlekelwa ababukeli ngemuva kokushiya kwakhe njengejaji ku-Season 17.
Umthombo wesithombe: @Timeslive/Gallo images.