Lisekhona ithemba ebholeni lakuleli

Lubhalwe nguMichael Madyira

Umdlali wasesiswini weSekhukhune United uKamolo Mokotjo ukholwa ukuthi ibhola lakuleli lisalele emuva emhlabeni jikelele ngokuthuthuka.

Ukwehluleka kwelakuleli ukungena kowamanqamu e-Africa Under-20 Cup of Nations yango-2023 kanjalo  nowabaneminyaka engaphansi kuka-23 kulethe izinkulumo eziningi zokugxekwa kwamaqembu.

Ukuphuma kweqembu labaneminyaka engaphansi kuka-17 emqhudelwaneni we-Afcon kuphinde kwaletha imibuzo ngezinhlaka zokuthuthukiswa kwebhola lasekhaya.

Kodwa njengoba kunedlanzana lamaqembu e-Premier Soccer League (PSL) atshala imali kubadlali abancane, uMokotjo uyakuchitha ukugxekwa okubhekiswe kubadlali abancane.

UMokotjo utshele izintatheli ukuthi ibhola lakuleli liyathuthuka emhlabeni wonke.

“Njengamanje sizama ukusiza izingane ezineminyaka engu-17, okukhombisa ukuthi sinesibindi futhi sizimisele ukuthatha izinyathelo ezifanele ukusheshisa abadlali bethu abafana noSiyabonga Mabena oneminyaka engu-16 osekwiSundowns noRelebohile Ratomo oneminyaka engu-17 kuPirates.

“Ithalente likhona kumele sivule iminyango yokubanikeza amathuba, akuleli noma aphesheya.”

Ngaphandle kukaMabena noRatomo umgadli weMamelodi Sundowns, uCassius Mailula ungomunye wabadlali abenze kahle ku-PSL.

UMduduzi Shabalala noSamkelo Zwane babonakale kuKaizer Chiefs, kanti uTapelo Maseko oneminyaka engu-19 usezakhele igama kuSuperSport United.

Nyakenye, uShabalala wehluleka eqenjini likaLyle Foster i-KVC Westerlo kanye neqembu le-La Liga i-Villarreal. Kodwa uMokotjo uqinisekile ukuthi ama-wonderkids anakho okudingekayo ukuze angene kumaligi aqhudelanayo e-Europe.

“Abadlali abasebancane ezweni lethu basezingeni lokuthi bangaya e-Europe baziqalele impilo.

Ngesikhathi uShabalala edonsa kanzima e-Westerlo, i-Belgium ifuna uMaseko kanti iSuperSport inqabe izicelo ezimbili ze-Eredivisie.

Isithombe esingenhla: Umgadli weMamelodi Sundowns uSiyabonga Mabena

Umthombo wesithombe: IMamelodi Sundowns

Izihloko zakamuva