Dylan Bettencourt
Ifilimu yakamuva yopopayi ekhishwe i-Disney ebizwa nge-Lightyear isavaliwe ukuthi ibukwe emazweni angu-14 ngenxa yesigameko esibonisa abalingisi ababili bobulili obufanayo beqabulana.
I-Lightyear isitory sopopayi esixoxa ngemvelaphi yomlingiswa u-Buzz Lightyear, sivinjelwe emazweni angaphezu kweshumi nambili ahlala amaSulumane ngokusho kwe-Associated Press.
Amazwe angu-14 e-Asia nase-Middle East anqabile ukudlala le filimu ekhishwe i-Disney ngoba iveza opopayi abanobulili obubodwa beqabulana okuhambisana nezinguquko abazenzile zokweseka i-LGBTQ+.
Inkampani ekhiqiza amafilimu ibhekane nokugxekwa ngokungabi bikho kwezinguquko kumafilimu ayo eminyakeni yakamuva, kodwa isiyenzile imizamo yokuthuthukisa lokho ngokukhipha amafilimu afana ne-Moana, i-Encanto kanye ne-Soul.
Kodwa-ke abalawuli e-United Arab Emirates bamemezele ukuthi bayayivimba le filimu ngenxa yokwephulwa kwemithetho ye-Media content standards.
Abalawuli babhale ku-Twitter baveza isithombe se-Buzz Lightyear esinophawu olubomvu olungavumelani nale filimu.
I-Indonesia izwe elinabantu abaningi abangamaSulumane emhlabeni ithe ayizange iyivimbe le filimu ukuthi idlale, kodwa iphakamise ukuthi umnikazi wefilimu acabange ngezethameli zabo e-Indonesia njengoba isigameko sokuqabulana se-LGBT singafiki kahle kwabanye abantu”.
I-Film Censorship Board e-Malaysia ithe izocubungula ukusakaza kwale filimu nokuthi mhlawumbe isuse isiqeshana sokuqabulana kwabantu bobulili obufanayo.
I-Disney kuthiwa izinqabile izicelo zokususa noma isiphi isigameko kule filimu.
Ifilimu ekhombisa omunye wabalingiswa abakhulu u-Alisha Hawthorne eqabula umkakhe izovezwa njengoba injalo.
Lesi sigameko sidale impikiswano eMelika kanye nosopolitiki abambalwa besabisa ngokususa izinzuzo ezitholwa i-Disney ngenxa yale filimu.
Lesi sigameko siqale sasuswa saphinde safakwa ngemuva kokuthi umphathi we-Disney uBob Chapek egxeke umthetho ongahambisana nabantu abathandana nobulili obufanayo ezifundazweni zase-Republic.
Umthombo wesithombe: @Polygon
.
