Dylan Bettencourt
Umfanyana oneminyaka eyisithupha ubudala waseNgilandi uthumelele umdlali wakhe amthandayo we-Swindon Town incwadi ethi umama wakhe “akanamali yokudla” kodwa ufuna ukunikela ngo-R5.
Encwadini ayibhalele umdlali uHarry McKirdy, lo mfanyana uzibize ngoJoe kodwa akalishiyanga ikheli lakhe.
“UMama akanayo imali yokuza emidlalweni ye-Swindon ngoba akanayo imali yokudla futhi kufanele angikhokhele isidlo sami sasebusuku esikoleni,” kusho incwadi.
UJoe unike uMcKirdy isamba esingu-26p ngokunamathisela uhlamvu lwemali luka-20p, u-5p no-1p encwadini yakhe.
Ku-Twitter iqembu laseNgilandi lifake isicelo sokuthungatha umfanyana othe uMcKirdy ungumdlali amthanda kakhulu eqenjini.
Iqembu lithe lifuna ukuxhumana noJoe othe encwadini yakhe angathanda ukuvakashela inkundla yezemidlalo ngelinye ilanga.
Lo mbhalo waku-Twitter uye wasabalala ezinkundleni zokuxhumana futhi abantu abambalwa bafuna ukunikeza umndeni womfanayana usizo lwezezimali ngokusungula ikhasi le-JustGiving. Kuze kube manje imali eqoqiwe ingu-R20,000.
Umgadli uMcKirdy ujoyine leli qembu ngoNhlangulana nyakenye washaya igoli ngesikhathi i-Swindon ihlula i-Manchester City kwi-FA Cup.
Umthombo wesithombe: @SwindonAdvertiser
.
