Lubhalwe nguRazeen Gutta
Kuthungathwa ingwe yesifazane enolaka eyeqe endaweni yase-Kliprivier eningizimu yeGoli ngoMgqibelo. Okusatholakele okwamanje izisulu ezihlaselwe ingwe.
Ingwe kubikwa ukuthi ikhuliswe ngumnikazi wendawo ophinde agcine ezinye izilwane zasendle endaweni, okuhlanganisa ingwe yesilisa namadube.
Kubikwa ukuthi yagcina ukubonakala eduze nomtholampilo wezilwane e-Daleside, kanti kusolwa ukuthi yeqa ngemuva kokunqanyulwa kocingo ngoMgqibelo ebusuku.
Ngokusho kokhulumela amaphoyisa ase-Gauteng uColonel Dimakatso Sello, le ngwe isihlasele owesilisa oneminyaka engu-39 ubudala kanye nenja endaweni. Imibiko eminingi iveze ukuthi ezinye izilwane nazo zibe izisulu zokuhlaselwa.
Kodwa lo wesilisa usindile kulesi sigameko. Nokho akukho okusha ngesimo sezilwane.
“Amalungu omphakathi ayanxuswa ukuthi aqaphele,” kusho uSello etshela i-Scrolla.Africa.
“Uphenyo lwenziwa ngabakwa-Sedibeng K9, i-Johannesburg Airwing, amalungu e-Kliprivier alwa nobugebengu kanye namavolontiya omphakathi.”
“Amalungu omphakathi ayaxwayiswa ukuthi angasondeli esilwaneni ukuze aphephe. Kunalokho kumele athintane ne-Crime Stop Line 08600 10111.”
Umthombo wesithombe: @MDNnewss