Lubhalwe ngu-Everson Luhanga
Okhulumela amaphoyisa esifundazweni saseGauteng uBrigadier Brenda Muridili uthe amaphoyisa aseHercules anencwadi ebagunyaza ukuthi babophe uRudie Lubbe noChantelle Oosthuizen.
Laba bobabili kuthiwa basagcwele amathafa kulandela ukutholakala kwesidumbu somsubathi wama-Olympic uJacques Freitag ngomhlaka-1 kuNtulikazi ka-2024.
UFreitag (42) waduka ngoNtulikazi, isidumbu sakhe satholwa emathuneni aseZandfontein.
Imibiko yabezindaba iphakamisa ukuthi umbango wothando ungenzeka ube yimbangela yokubulawa kwakhe.
UFreitag kusolakala ukuthi ubulewe inxeba lokudutshulwa kanye neminye imihuzuko. ULubbe no-Oosthuizen babhekene namacala ahlanganisa elokubulala nelokwakha itulo lokubulala.
UMuridili uchaze ukuthi isidumbu sikaFreitag sitholwe yi-SAPS Search and Rescue Team, ehlanganisa amayunithi afana ne-Air Wing, iWater Wing, iK9, kanye namaphoyisa endawo.
UFreitag ubambe iqhaza okokuqala eNingizimu Afrika kuma-Olympics ngo-2004. Nakuba engazange aphumelele kowamanqamu, waphindela emuva ngemva konyaka, wakhulisa irekhodi lakhe lase-Afrika le-high jump laba ku-2.38 metres irekhodi elisekhona nanamuhla.
Esithombeni esingenhla: URudie Lubbe noChantelle Oosthuizen abafunwa amaphoyisa.
Umthombo: SAPS